پۋتينگە جازىلعان حات «اداسىپ» شۆەتسيا تۇرعىنىنىڭ قولىنا ءتيدى

استانا. قازاقپارات- شۆەتسيانىڭ وڭتۇستىگىندەگى ترەللەبورگ قالاسىنىڭ تۇرعىنى توسىن جايعا تاپ بولدى. پوشتاشىلار رەسەي پرەزيدەنتى ۆلاديمير پۋتينگە جىبەرىلگەن حاتتى اكەلىپ بەرىپتى.

حات شۆەتسيانىڭ ورتالىعىنداعى حاللسبەرگ قالاسىنان ماسكەۋگە جەتكىزىلۋى ءتيىس بولعان. كورسەتىلگەن مەكەنجايى: يلينكا، 23. حات جەتكىزىلگەن جەر مەن كونۆەرتتەگى مەكەنجايدا ءۇيدىڭ ءنومىرى عانا بىردەي بولعان.

پوشتاشىلاردىڭ قاتەلەسۋى دە ءتيىس ەمەس. سەبەبى ترەللەبورگ پەن حاللسبەرگ اراسىنداعى قاشىقتىق جۇزدەگەن شاقىرىمعا جەتەدى. وسىنشاما جولدا پوشتاشىلاردىڭ قايتكەندە بىرەۋى مەكەنجايدى كورۋى كەرەك- ءتى. ال ترەللەبورگ پەن ماسكەۋ اراسىنداعى قاشىقتىق 1532 شاقىرىم.

اڭ- تاڭ بولعان تۇرعىن پرەزيدەنت پۋتيننىڭ حاتىن اشپاعاندى ءجون كورىپتى.

پوشتا قىزمەتكەرلەرى ماشينامەن كونۆەرتتەردى ساناعاندا تەحنيكالىق قاتە كەتكەن بولۋى مۇمكىن دەيدى.

دەرەككوز: regnum.ru