08:09, 31 - ناۋرىز 2017 | GMT +5
ۇشقىش اۋەجايعا قونار كەزدە قايتىس بولدى
استانا. قازاقپارات - American Airlines اۋەكومپانياسىنىڭ Boeing 737-800 ۇشاعىنىڭ ەكىنشى ۇشقىشى البۋكەركە اۋەجايىنا قونار ساتتە كوز جۇمدى.
بۇل تۋرالى Vesti.az حابارلادى. ۇشاق ءساتتى قونعان. ۇشۋ-قونۋ جولاعىندا ەكيپاجدى دارىگەرلەر كۇتىپ تۇردى. اق حالاتتىلار جۇرەك-وكپە رەانيماتسياسىن جاساعانىمەن، ۇشقىشتىڭ ومىرىنە اراشا تۇسە المادى.
ەلدىڭ ازاماتتىق اۆياتسيانىڭ فەدەرالدى باسقارماسى ۇشاقتىڭ داللاستان البۋكەركەگە باعىت العاندىعىن ايتادى. قونۋعا بىرەر شاقىرىم قالعاندا اۋە كەمەسىنىڭ كاپيتانى «مەديتسينالىق ماسەلەگە» بايلانىستى ۇشاقتا توتەنشە جاعداي جاريالاعان.
