وڭتۇستىك كورەيانىڭ بۇرىنعى پرەزيدەنتى پاك كىن حە تۇتقىندالدى

استانا. قازاقپارات - وڭتۇستىك كورەيانىڭ بيلىگى ەلدىڭ بۇرىنعى باسشىسى پاك كىن حەنى سىبايلاس جەمقورلىق جاسادى دەگەن كۇدىكپەن قاماۋعا الدى.

بۇل تۋرالى ت ا س س Yonhap اگەنتتىگىنە سىلتەمەمەن حابارلايدى.

سەۋل سوتى پارا الدى، وكىلەتتىلىگىن اسىرا پايدالاندى، زاڭسىز قىسىم جاسادى جانە مەملەكەتتىك قۇپيانى جاريا ەتتى دەگەن ايىپپەن بۇرىنعى مەملكەت باسشىسىن تۇتقىنداۋ تۋرالى سانكسيا شىعاردى.

ەسكە سالا كەتەيىك، پاك كىن حەگە قاتىستى داۋ 2016-جىلعى قازان ايىندا تۋدى. ول كەزدە باسىلىم بەتتەرىندە مەملەكەت باسشىسىنا ونىڭ قۇربىسى چحۆە سۋن سيل ىقپال ەتىپ جۇرگەنى تۋرالى اقپارات تاراعان ەدى.

2016-جىلى جەلتوقسان ايىندا وڭتۇستىك كورەيانىڭ پارلامەنتى پاك كىن حەگە يمپيچمەنت جاريالاۋ ماسەلەسىن داۋىسقا سالدى، ال 10- ناۋرىز كۇنى ونى كونستيتۋتسيالىق سوت بەكىتتى.

اۆتور: ەربول جانات