21:35, 30 - ناۋرىز 2017 | GMT +5
الەمدىك رەكورد ءۇشىن جۇزدەگەن «ەينشتەين» تورونتوعا جينالدى
استانا. قازاقپارات - كانادانىڭ تورونتو قالاسىندا البەرت ەنشتەين كوستيۋمىن كيگەن 400 دەن استام ادام ءبىر ۋاقىتتا وسى كيىمدى ەڭ كوپ كيگەن ادامدار توبى رەتىندە گيننەستىڭ رەكوردتار كىتابىنا ەندى.
بۇل تۋرالى CBC News حابارلايدى. رەكورد ورناتۋ ءۇشىن وقۋشىلار مەن ەرەسەكتەردەن قۇرالعان 404 ادام تانىمال فيزيكتىڭ ستيلىندە بلەيزەر كيىپ، گالستۋك تاقتى. سونىمەن بىرگە، The Next Einstein بايقاۋ-شاراسىنىڭ ۇيىمداستىرۋشىلارى ازىرلەگەن اق ءتۇستى جاساندى شاش پەن مۇرت قويدى.
گيننەستىڭ رەكوردتار كىتابىنىڭ وكىلدەرى قاتىسۋشىلاردى ساناپ شىعىپ، رەكوردتىڭ ورناتىلعانىن مالىمدەدى. قۋانىشتى حاباردى ەستىگەن قاتىسۋشىلار الاقايلاپ، پاريكتەرىن اسپانعا لاقتىردى.
