قاراعاندىدا لاۋازىمدى تۇلعا پارا العانى ءۇشىن سوتتالدى
ول لاۋازىمدى تۇلعا بولا تۇرا دەلدال ارقىلى مەردىگەر ۇيىمىنىڭ ديرەكتورىنان شاحتينسك قالاسىنىڭ كەيبىر ۇيلەرىنە جىلۋ جەلىلەرىن اعىمدىق جالعاۋ، جوندەۋ جۇمىستارىن جۇرگىزۋگە ۇتىپ الىنعان تەندەردەن 10 پايىزدىق قايتارىم تۇرىندە قوماقتى سوما پارا العان. ءسويتىپ، ا. ورتالىق جەلىلىك قۇبىرىنان م م عيماراتىنا اعىمدىق جالعاۋ جوندەۋ جۇمىستارىن جۇرگىزۋگە جاڭا قوسىمشا كەلىسىمشارت جاساعان.
ءوز ەركىمەن قالا اكىمىنىڭ وكىمىمەن جۇمىستان بوساتىلىپ، لاۋازىمدى تۇلعا بولماي، ءوز ارەكەتتەرىنىڭ زاڭسىزدىعىن تۇسىنە وتىرا، الداۋ جولىمەن جانە سەنىمدى تەرىس پايدالانىپ، سول ديرەكتوردان قوسىمشا كەلىسىمشارتتى قۇرۋ بويىنشا جالپى سومادان 10 پايىزدىق قايتارىم تۇرىندە اقشا الۋ قىلمىستىق نيەتكە بارعان.
بەرىلگەن زاڭسىز ارەكەتتەردى توقتاتۋ ماقساتىندا مەردىگەر ۇيىمىنىڭ ديرەكتورى قاراعاندى وبلىسى بويىنشا سىبايلاس جەمقورلىققا قارسى كۇرەس قىزمەتىنە كىنالى تۇلعالارعا قاتىستى وتىنىشىمەن جۇگىندى. وسىعان بايلانىستى سىبايلاس جەمقورلىققا قارسى كۇرەس قىزمەتىنىڭ قىزمەتكەرلەرى ونى ۇستادى. سوت ۇكىمى بويىنشا ا. مەنشىگىندەگى مۇلكى تاركىلەنىپ، جالپى تارتىپتەگى تۇزەۋ كولونياسىندا 3 جىلعا جانە مەملەكەتتىك فۋنكتسيالاردى ورىنداۋعا ۋاكىلەتتى لاۋازىمدى اتقارۋ قۇقىعىنان ومىرلىك ايىرۋ جازاسى تاعايىندالدى.
قازاقستان رەسپۋبليكاسىنىڭ «قازاقستان رەسپۋبليكاسىنىڭ تاۋەلسىزدىگىنىڭ جيىرما بەس جىلدىعىنا بايلانىستى راقىمشىلىق تۋرالى» زاڭىنىڭ 4 ب. 1ب. 1پ. «باس بوستاندىعىنان ايىرۋ تۇرىندەگى نەگىزگى جازاسىنىڭ وتەلمەگەن بولىگىنىڭ جارتىسى قىسقارتىلاتىنى» كۇشىندە قالماق. ۇكىم زاڭدى كۇشىنە ەنگەن جوق.
اۆتور: ن. نۋراحمەت
