استانالىق «ارلاندار» مەن «وزبەك جولبارىستارى» اراسىنداعى ايقاسقا شىعاتىن بوكسشىلار انىقتالدى

استانا. قازاقپارات - قازاقستاندىق «استانا ارلاندارى» مەن «وزبەك جولبارىستارى» كوماندالارىنىڭ اراسىندا وتەتىن الداعى جەكپە-جەكتە شارشى الاڭعا شىعاتىن بوكسشىلار ءتىزىمى بەلگىلى بولدى، دەپ حابارلايدى قازاقپارات ءتىلشىسى.

«استانا ارلاندارى» نامىسىن تەمىرتاس ءجۇسىپوۆ (49 كەلى)، ءىلياس سۇلەيمەنوۆ (56 كەلى)، ءدىلمۇرات ميجيتوۆ (64 كەلى)، ساپارباي ايداروۆ (75 كەلى)، انتون پينچۋك (91 كەلى) قورعايتىن بولادى.

ال وزبەكتەر ساپىندا حاسانبوي دۋسماتوۆ (49 كەلى)، ابدۋلحاي شاراحماتوۆ (56 كەلى)، ەلنۋر ابدۋرايموۆ (64 كەلى)، يسرويل مادريموۆ (75 كەلى)، زۋحريددين ماحكاموۆ (91 كەلى) ءبىزدىڭ بوكسشىلارعا قارسى جۇدىرىقتاسادى.

ەستەرىڭىزگە سالا كەتسەك، ەكى كوماندانىڭ بوكسشىلارى بۇكىل الەمدىك بوكس سەرياسىنىڭ ەكىنشى اينالىمىندا تالدىقورعاندا كەزدەسىپ، 4:1 ەسەبىمەن «ارلاندار» جەڭىسكە جەتكەن بولاتىن.

ەندىگى كەزدەسۋ 1- ءساۋىر كۇنى وزبەكستاندا وتەدى. جارىس استانا ۋاقىتىمەن ساعات 18:00-دە باستالادى. «حابار» ارناسى بۇل شارانى تىكەلەي ەفيردە كورسەتپەك.

كۇنسۇلتان وتارباي