الماتى وبلىسىنداعى ىستىق سۋعا كەلۋشىلەر سانى ارتۋدا

تالدىقورعان. قازاقپارات - الماتى وبلىسىندا جەر استى تەرمالدى سۋلارى ماۋسىمدىق تۋريزمدى دامىتۋدىڭ جاڭا مۇمكىندىگى، دەپ حابارلايدى قازاقپارات ءتىلشىسى.

 ءبىر عانا ۇيعىر اۋدانىندا 40-تان استام دەمالىس ورنى حالىققا قىزمەت كورسەتۋدە. بۇل جەردە جەر استىنان شىققان مينەرالدى سۋدا قوڭىر كۇزدەن جاز شىققانشا شومىلۋعا بولادى.

 شونجىنىڭ ىستىق سۋى سارى اعاش شيپاجايىنىڭ سۋىنىڭ قۇرامىنا ۇقساس. اعزاعا دا، بۇلشىق ەت پەن ءسىڭىردى قىزدىرۋعا دا پايدالى. دەمالىس ورىندارىنا حالىق مەرەكە جانە دەمالىس كۇندەرى وتە كوپ اعىلادى. كەيدە مۇلدەم ورىن تابىلماي قالاتىن كۇندەر بولادى دەيدى «قارادالا» ساۋىقتىرۋ كەشەنىنىڭ اكىمشىسى ۆەنەرا يسلاموۆا. ال وسى ىستىق سۋدىڭ ىرىسىن كورىپ، تىنىققانداردىڭ باسىم بولىگى شەتەل اسىپ، قارجىنى سىرتقا شاشقانشا ءوز ەلىمىزدە دەمالىپ، مەملەكەتىمىزدىڭ ەكونوميكاسىن نىعايتقان الدەقايدا ارتىق ەكەنىن ايتادى. سونداي- اق مۇنداعى دەمالىس ورىندارى جەرگىلىكتى تۇرعىنداردى تۇراقتى جۇمىسپەن قامتىپ كەلەدى. الداعى ۋاقىتتا ۇيعىر اۋدانىندا تاعى دا بىرنەشە ءىرى قوناق ءۇي مەن دەمالىس ورىندارى قولدانىسقا بەرىلەدى دەپ كۇتىلۋدە.

اۆتور: سامال قابىشيەۆا