انتاليالىق كاسىپكەرلەر وڭتۇستىكتە بىرلەسكەن كاسىپورىندار اشۋدى جوسپارلاپ وتىر
تۇركيالىق بيزنەسمەندەردىڭ وڭىرىمىزگە ءىسساپارىنىڭ ماقساتى اۋىل شارۋاشىلىعىنداعى جاڭا تەحنولوگيالارعا ينۆەستيتسيالار تارتۋ، وسى سالاداعى ورتا جانە شاعىن بيزنەستى دامىتۋ بولىپ تابىلادى ، دەپ حابارلايدى قازاقپارات ح ا ا ءتىلشىسى.
ءوڭىردىڭ الەۋمەتتىك- ەكونوميكالىق احۋالىمەن تانىسىپ، الەۋەتىن باعامداۋعا كەلگەن دەلەگاتسيا مۇشەلەرى شىمكەنتتەگى ارنايى ەكونوميكالىق ايماق پەن يندۋستريالدى ايماقتىڭ جۇمىسىمەن تانىسىپ، ونداعى كاسىپورىنداردى ارالادى. كۇنگەيدىڭ ەكونوميكالىق الەۋەتىمەن تانىسقان تۇرىك كاسىپكەرلەرى ايماقتاعى اتقارىلىپ جاتقان جۇمىستاردى وڭ باعالاپ، بولاشاقتا بىرلەسە جۇمىس ىستەۋگە نيەتتى ەكەندىكتەرىن جەتكىزدى.
ەسكە سالايىق، 15 - اقپاندا وڭتۇستىك قازاقستاندىق كاسىپكەرلەر تۇركياعا جۇمىس ساپارىمەن بارىپ، انتاليا پروۆينتسياسىنىڭ كاسىپكەرلەر قاۋىمداستىعىنىڭ وكىلدەرىمەن كەزدەسۋ وتكىزگەن بولاتىن. وندا تۇركيانىڭ 12 كومپانياسىمەن ءبىزدىڭ بيزنەسمەندەر جيھاز جاساۋ، كەڭ قولدانىستاعى قاپتاۋ ونىمدەرىنىڭ ءوندىرىسى، كەپتىرىلگەن جەمىستەر جانە ازىق- تۇلىككە ارنالعان قاپتاما ءونىمىنىڭ ءوندىرىسى، جىلىجايعا ارنالعان جابدىقتاردى ءوندىرۋ جانە ورناتۋ، پوليپروپيلەن ونىمدەرىن ءوندىرۋ، تىڭايتقىشتار ءوندىرىسى، ترانسفورماتورلار قۇراستىرۋ، شىنى پلاستيكالىق ونىمدەردى ءوندىرۋ، ساندىك گۇل كوشەتتەرىنىڭ ءوندىرىسى اياسىندا پىكىر الماسىپ، وتىرىسقا قاتىسۋشىلارعا مەملەكەتتىك قولداۋ جانە وڭتۇستىكتىڭ ەكونوميكا سەكتورىنىڭ بارلىق سالالارىنداعى ينۆەستيتسيالىق تارتىمدىلىعى تۋرالى تولىق اقپارات بەرىلگەن- ءدى.
ناتيجەسىندە، تۇركيالىق ءۇش كومپانيامەن وڭتۇستىك قازاقستان وبلىسىندا بىرلەسكەن جوبالاردى جۇزەگە اسىرۋ تۋرالى كەلىسىمگە قول جەتكىزىلدى.
اۆتور: اينۇر اقبايەۆا
