داريعا نازاربايەۆا باستاعان سەناتورلار وڭتۇستىكتەگى اسكەري قۇرىلىمداردى ارالادى - فوتو

 شىمكەنت. قازاقپارات - قازاقستان رەسپۋبليكاسى پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا باستاعان كوميتەت مۇشەلەرى مەملەكەت جانە قوعام قاۋىپسىزدىگىن قامتاماسىز ەتۋ ماسەلەلەرى بويىنشا وڭتۇستىك قازاقستانعا ارنايى ىسساپارمەن كەلدى.

 كوميتەت مۇشەلەرى كۇنگەيدەگى اسكەري قۇرىلىمدار مەن بولىمدەردى ارالاپ كوردى، دەپ حابارلايدى قازاقپارات ح ا ا ءتىلشىسى.

قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنىڭ شىمكەنت قالاسىنداعى 6506 اسكەري بولىمىندە بولعان سەناتورلار جاۋىنگەرلىك قىزمەت پەن جەكە قۇرامعا جۇكتەلگەن قۇقىق قورعاۋ مىندەتتەرىمەن تانىستى. ولار بولىمدەگى اسكەري تەحنيكانىڭ، قارۋ- جاراق پەن قورعاۋ قۇرالدارىنىڭ جاڭا ۇلگىلەرى، سونداي- اق ۇلتتىق ۇلان قامتاماسىز ەتىلگەن كيىم ۇلگىلەرىن كورىپ شىقتى. سونداي- اق، ەلىمىزدەگى اسا جاۋاپتى جاۋىنگەرلىك- بارلاۋ تاپسىرمالارىن ورىنداۋعا مىندەتتەلگەن «بۇركىت» ارنايى ماقساتتاعى جاساعىنىڭ قىزمەتى جانە بولىمشەنىڭ تىنىس- تىرشىلىگىنەن حاباردار بولدى.

 مۇنان سوڭ «جاس بۇركىت» اسكەري- پاتريوتتىق كلۋبىنىڭ مۇشەلەرى جاۋىنگەرلەرىك جاتتىعۋلار مەن قورعانىستىڭ ءتۇرلى ءادىس- تاسىلدەرىنەن قويىلىمدار كورسەتتى. ءارى دەپۋتاتتار ىشكى اسكەردىڭ 1995 -جىلى تاجىك- اۋعان شەكاراسىندا قازا تاپقان جاۋجۇرەك 17 جاۋىنگەرىنىڭ ەسكەرتكىشىنە تاعزىم جاساپ، گۇل شوقتارىن قويدى. كەزدەسۋ بارىسىندا ق ر ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى، گەنەرال- مايور قايرات اقتانوۆ دەپۋتاتتارعا قولدا بار اسكەري تەحنيكالاردىڭ مۇمكىندىگى مەن اسكەري قۇرىلىمدى ودان ءارى دامىتۋداعى كەلەشەكتە اتقارىلاتىن ىستەردى ايتىپ ءوتتى. ءوز كەزەگىندە، سەناتورلار وڭىردەگى قورعانىس جۇيەسىن جەتىلدىرۋ مەن كۇش- قۋات ورگاندارىنىڭ الەۋەتىن ارتتىرۋ باعىتتارىن تالقىلاپ، قاجەت بولعان جاعدايدا سەنات تاراپىنان ءتۇرلى قولداۋلار كورسەتەتىنىن اتاپ ءوتتى.

«ەلىمىزدىڭ قورعانىس كۇشى بۇگىندە كەز كەلگەن قاۋىپتى جاعدايعا توتەپ بەرە الاتىن جاعدايدا. ال، وڭتۇستىكتەگى شەكارالى ايماق پەن بۇل باعىت ءبىز ءۇشىن ماڭىزدى سانالادى. سەبەبى، الەمدە تەرروريستىك ارەكەتتەردەن قورعانىس كۇشەيتىلىپ جاتقان جاعدايدا ءبىز دە ساقتىق شارالارىمىزدى قولعا الۋىمىز قاجەت. بۇل رەتتە وڭتۇستىكتەگى اسكەري قۇرىلىمداردىڭ قورعانىسى مەن قاجەتتى تەحنيكاسى كۇننەن كۇنگە جاڭارتىلىپ وتىرعانىن كورىپ وتىرمىز. دەسە دە ەرتەڭ ءبىز بۇل سالاداعى بارلىق كەلەلى ماسەلەلەردى ءوزارا تالقىلايتىن بولامىز. قاجەت بولعان جاعدايدا سەناتتا كوتەرىلىپ، قولداۋ كورسەتىلەدى»، - دەدى قازاقستان رەسپۋبليكاسى پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ حاتشىسى يكرام ادىربەكوۆ.

اۆتور: اينۇر اقبايەۆا