قانات يسلام مەن جانات جاقيانوۆ الماتىدا شەبەرلىك- سىنىبىن وتكىزەدى

استانا. قازاقپارات - قازاقستاندىق بوكسشىلار قانات يسلام مەن جانات جاقيانوۆ الماتىداعى  «MD Boxing»  زالىندا شەبەرلىك- سىنىبىن وتكىزەدى، دەپ حابارلايدى قازاقپارات ءتىلشىسى.

بۇل تۋرالى بۇگىن بوكسشىنىڭ PR مەنەدجەرى بەرىك سۇلتان ءوزىنىڭ فەيسبۋكتەگى پاراقشاسىندا جازدى.

«1 - ءساۋىر كۇنى الماتى قالاسىندا WBA fedelatin, WBO intercontinental چەمپيونى قانات يسلام مەن WBA، IBO تۇجىرىمى بويىنشا الەم چەمپيونى جانات جاقيانوۆتىڭ اشىق جاتتىعۋى وتەدى. كاسىپقوي بوكسشىلار ءوز تاجىريبەلەرىمەن بولىسەدى. سۇحبات، ەستەلىككە سۋرەتكە ءتۇسۋ جانە بوكسشىلاردىڭ قولى قويىلعان قولعاپتار سىزدەر ءۇشىن. ەسىك اشىق. اشىق جاتتىعۋ، الماتى قالاسى، گاگارين- وتەپوۆ كوشەلەرىنىڭ قيىلىسىنداعى «DM بوكس» كلۋبىنىڭ زالىندا وتەدى. 10:30-دا بارلىعىڭىزدى كۇتەمىز»، - دەپ جازدى ول.

ەستەرىڭىزگە سالا كەتەيىك، وسىعان دەيىن قانات يسلامنىڭ 9 - قىركۇيەك كۇنى استانا قالاسىندا جەكپە- جەك وتكىزەتىنى تۋرالى دا حابارلاعان بولاتىنبىز.

اۆتور: كۇنسۇلتان وتارباي