07:29, 30 - ناۋرىز 2017 | GMT +5
ترامپتىڭ قىزى يۆانكا اقۇيدە تەگىن قىزمەت ەتەتىن بولدى
استانا. قازاقپارات - دونالد ترامپتىڭ قىزى يۆانكا ا ق ش پرەزيدەنتى اكىمشىلىگىنە قىزمەتكە ورنالاستى. ول پرەزيدەنتتىڭ كەڭەسشىسى لاۋازىمىنا يە بولدى، دەپ جازادى بي- بي- سي.
ايتا كەتەيىك، بۇل قىزمەتتەگى ادامعا جالاقى تولەۋ قاراستىرىلماعان. يۆانكانىڭ پرەزيدەنتتىڭ كەڭەسشىسى بولاتىنى 20 - ناۋرىز كۇنى ءمالىم بولعان. ول جولى اق ءۇيدە جەكە كابينەتى بولاتىنى تۋرالى حابار تاراعان.
سونداي- اق، يۆانكانىڭ پرەزيدەنت اكىمشىلىگىندە رەسمي لاۋازىمى بولمايتىنى تۋرالى دا اقپارات بولعان. امەريكا بۇقارالىق اقپارات قۇرالدارىندا ترامپتىڭ قىزى قۇپيا اقپاراتتارعا قول جەتكىزە الاتىنى جانە ونىڭ كەڭسەسى اق ءۇيدىڭ باتىس بولىگىندە بولاتىنى تۋرالى جازىلعان ەدى.
اۆتور: ەربول جانات
