استانادا ناۋرىز مەيرامىن وتكىزۋدىڭ تۇيىتكىلدەرىنە ارنالعان عىلىمي كونفەرەنسيا ءوتتى
دەپ حابارلادى قازاقپاراتقا مۇراجايدىڭ باسپا ءسوز قىزمەتىنەن.
كونفەرەنسياعا مەملەكەت جانە قوعام قايراتكەرلەرى، تاريحشىلار، مادەنيەتتانۋشىلار، عالىمدار، جوعارى وقۋ ورىندارىنىڭ ۇستازدارى مەن ستۋدەنتتەر قاتىستى. ولار ناۋرىز مەيرامىن وتكىزۋدىڭ ماعىنالىق، مازمۇندىق جاعىن كەمەلدەندىرۋ تۇرعىسىندا وي- پىكىرلەرىن ورتاعا سالدى. شارادا ءسوز العان مادەنيەتتانۋشى عالىم سەرىك ەرعالي:
«ناۋرىز مەرەكەسىنە مەملەكەتتىك ستاتۋس بەرگەنىمىزگە ءبىراز ۋاقىت بولدى. ءبىراق، ناۋرىز مەيرامىنىڭ ءبىر بولىگى بولىپ تابىلاتىن «امال» مەرەكەسى ەلىمىزدىڭ باتىسى - ماڭعىستاۋدا عانا تويلانىپ، قاۋىشۋ مەيرامىن ەلىمىز ەندى- ەندى قابىلداپ كەلە جاتقانى، ناۋرىز مەرەكەسىنە دەگەن حالىقتىڭ كوپ قىزىعۋشىلىق بىلدىرمەۋى - مەرەكەنىڭ ءالى دە مەملەكەتتىك دەڭگەيگە كوتەرىلمەگەنىن بىلدىرەدى. سوۆەتتىك كەزدە جانۇيالىق دەڭگەيدە بولسا، قازىر وڭىرلىك دەڭگەيدە. ەندىگى ماقسات - بۇل مەرەكەنى، شىن مانىندە، جالپى ۇلتتىق، جالپى قازاقستاندىق دەڭگەيگە كوتەرۋ. بۇنى الەۋمەتتىك ماسەلە رەتىندە كۇن تارتىبىنە قويۋىمىز كەرەك» - دەپ اتاپ ءوتتى.
ال تاريح عىلىمىنىڭ دوكتورى، پروفەسسور جامبىل ارتىقبايەۆ بولسا:
«ناۋرىزدى» كوبىنە پارسى ءسوزى دەپ ايتامىز. سەبەبى پارسى دەرەكتەرىندە ناۋرىز تۋرالى مالىمەتتەر كوپ. ءبىراق، ءبىز ناۋرىز پارسىلاردان كەلگەن مەرەكە دەگەن تۇسىنىكتەن قۇتىلۋىمىز كەرەك. بۇل - يراندىقتاردىڭ اراسىندا ساقتالعان تۇركىلەردىڭ ورتاق تاريحى، ورتاق مەرەكەسى. ناۋرىز مەيرامى يران، ءسالىم، تۇركى سياقتى ەتنيكالىق توپتاردىڭ ارا- جىگى اجىراماعان تۇستا پايدا بولعان مەيرام» - دەپ مەرەكەنىڭ تاريحىنا توقتالدى.
ءىس- شارا ماقساتى - حالقىمىزدىڭ سالت- داستۇرىنە وسكەلەڭ ۇرپاقتىڭ نازارىن اۋدارتۋ. ناۋرىز مەرەكەسىنىڭ باستاۋىندا بەيبىتشىلىكتىڭ، كەلىسىمنىڭ، يگى ماقساتتاردىڭ باستاۋى مەن جاڭارۋدىڭ جاتقانىن دارىپتەۋ.
