ديماشتىڭ فوتوسى نيۋ-يوركتىڭ ورتالىق الاڭىنداعى ەكراندا جارق ەتە قالدى - كەسكىن
بۇل تۋرالى ءانشىنىڭ PR - مەنەدجەرى الپامىس شاريموۆ ءوزىنىڭ ينستاگرام جەكە پاراقشاسىندا جاريالادى.
«بۇل فوتوشوپ ەمەس! بۇل الەمنىڭ ەڭ جارقىن قالالارىنىڭ ءبىرى نيۋ يورك قالاسى، تايم سكۆەردەگى ەڭ ۇلكەن باستى لەد ديسپلەي! 101 FM راديو مەديا ورتالىعى تانىمال جۇلدىزدار اراسىندا وسى قۇرمەتكە يە بولۋ ءۇشىن بايگە جاريالاعان بولاتىن. قازاق بالاسىنىڭ الەمدىك جانكۇيەرلەرى، Dears-تىڭ ىقپالىمەن داۋىس بەرۋ ارقىلى امەريكانىڭ تورىندە ديماش قۇدايبەرگەننىڭ @kudaibergenov.dimash سۋرەتى ميلليوندارعا جاريا بولدى! ءتۇرلى ۇلت وكىلدەرى، تايم سكۆەردىڭ كوپشىلىگى ەندى وسىناۋ باستى ەكراننان قازاق ءانشىسىن تاني الادى!»، - دەپ جازدى شاريموۆ.
ەسكە سالا كەتەيىك، ديماش قىتايدىڭ «Singer 2017» ءان بايقاۋىنا قاتىسىپ، ەرەكشە تالانتىمەن الەمگە تانىمال بولعان. بۇل كۇندە انشىگە قىتايلىق جانكۇيەرلەرى ەرەكشە ىقىلاس بىلدىرۋدە. ونىڭ قىتايلىق weibo الەۋمەتتىك جەكە پاراقشاسىنا جازىلۋشىلار سانى 3 ميلليون 300 مىڭنان اسسا، ۇلكەن مەرەكەلىك شارالار مەن كونسەرتتەر ديماشسىز وتپەيتىن بولدى. ءانشى 27- ناۋرىز كۇنى شاڭحاي قالاسىنداعى 24-كەزەكتى «China Top music Awards» شاراسىنىڭ «ازيانىڭ ەڭ تانىمال ءانشىسى» (Best Asia popularsinger) نوميناتسياسى بويىنشا ماراپاتتالدى.
اۆتور: مۇحتار قاليموللا ۇلى
