جولاۋشىلار ۇشاعى جەرگە قونىپ جاتقان ساتتە ورتكە وراندى - ۆيدەو
بۇل تۋرالى RPP حابارلايدى.
جەرگىلىكتى RPP راديستانتسياسىنىڭ مالىمەتىنشە، ءورت تەحنيكالىق اقاۋدىڭ سالدارىنان تۋىنداعان. قونۋعا جاقىنداعان مەزەتتە ۇشاقتىڭ وڭ جاق شاسسيى كەنەتتەن سىر بەرەدى. پيلوت بىردەن اپاتتى تۇردە قونۋعا ءماجبۇر بولعان. وقيعا ناتيجەسىندە 26 ادام زارداپ شەككەن.
بارلىق زارداپ شەگۋشىلەر اۋرۋحاناعا جاتقىزىلعان. ولاردىڭ اراسىندا كىشكەنتاي ءسابي دە بار. جالپى سانى سالوندا 141 جولاۋشى بولعان.
«قونۋ كەزىندە قاتتى جەل سوعىپ، پيلوت مانيەۆر جاساپ جولاقتان اۋىتقىپ كەتتى. وسىنىڭ اسەرىنەن شاسسي سىنىپ، وتىن باگىنە زاقىم كەلەدى، ارتىنشا بىردەن جارىلىس ورىن العان»، - دەپ حابارلادى كۋاگەرلەردىڭ ءبىرى.
ال ءوز كەزەگىندە ۇشقىش دەنيسس حان شاسسي دوڭگەلەگىنىڭ قونىپ جاتقان ساتتە ۇشىپ كەتكەنىن ايتتى. وقيعا ورىنىندا ءورت قاۋىپسىزدىك قىزمەتكەرلەرى جۇمىس ىستەپ جاتىر، ال اۋەجاي ازىرگە ۋاقىتشا جابىلعان.
