برازيليا ءمايىتحاناسىندا وزدىگىنەن قوزعالعان ەسىك جۇرتتىڭ زارەسىن ۇشىردى - ۆيدەو

استانا. قازاقپارات - برازيلياداعى ءمايىتحانالاردىڭ بىرىندە ەسىك وزدىگىنەن اشىلىپ-جابىلعان.

ەسىكتىڭ جانىنا ادامدار جاقىنداي بەرگەندە ونىڭ تارسىلى دا تىنىشتالىپ قالىپتى. بۇل تۋرالى NUR. KZ پورتالى Hurriyet TV سايتىنا سىلتەمە جاساپ حابارلايدى.

برازيليا ءمايىتحاناسىندا تەمىر ەسىك وزدىگىنەن اشىلىپ-جابىلىپ، ءمايىتحانانىڭ قىزمەتكەرلەرىن شوشىتىپ، زارە-قۇتىن قاشىرعان.

سونىمەن قاتار، دالىزدە ەشقانداي جەل دە، ءبىر ءتىرى جان دا بولماپتى. الايدا، ەسىك تارسىلداپ ءوز ەركىمەن قوزعالىپ تۇرعان ساتتە دالىزدەگى شامدار دا جىپىلىقتاپ قويا بەرگەن.

كۇزەتشى قولىنا شام ۇستاپ الىپ، كىشكەنتاي ەسىكتىڭ ماڭىنا كەلە بەرگەندە ەسىك اشىلۋىن دوعارا قويادى. ەسىك «اپتىعىن» باسقان ساتتە، دالىزدەگى جىپىلىقتاپ تۇرعان شام دا تىنىشتالىپ قالادى.