كورەيا تۇتىناتىن ۋراننىڭ ۇشتەن ءبىرىن قازاقستاننان يمپورتتاۋدا

استانا. قازاقپارات - وڭتۇستىك كورەياداعى تۇتىناتىن ۋراننىڭ ۇشتەن ءبىر بولىگىن قازاقستاننان يمپورتتاپ جاتىر.

بۇل تۋرالى بۇگىن استاناداعى باسپا ءسوز ءماسليحاتىندا كورەيا رەسپۋبليكاسىنداعى قازاقستاننىڭ توتەنشە جانە وكىلەتتى ەلشىسى دۋلات باقىشەۆ ءمالىم ەتتى، دەپ حابارلايدى قازاقپارات.

«ۋران بويىنشا بىرنەشە شارتتار بولدى. وڭتۇستىك كورەيا تۇتىناتىن ۋراننىڭ 30 پايىزعا جۋىعى قازاقستاننان جەتكىزىلەدى»، - دەدى ەلشى.

ايتا كەتەيىك، ەكى ەل اراسىنداعى تاۋار اينالىمىنىڭ كولەمى 2016-جىلى 676 ميلليون ا ق ش دوللارىنا جەتىپ، ونىڭ ىشىندە ەكسپورت - 223 ميلليون دوللار، ال يمپورت 453 ميلليون دوللاردى قۇرادى.

2015-جىلمەن سالىستىرعاندا ب ۇ و كورسەتكىش ەكى ەسەدەن استامعا قىسقاردى. وڭتۇستىك كورەياعا قازاقستاندىق ەكسپورتتىڭ نەگىزگى قۇرامىن ۋران، فەرروقورىتپا، قوسپاسىز بولات پروكاتى، التىن، مىس الىپ وتىر. ال قازاقستانعا بۇل ەلدەن ەلەكترونيكا، ماشينا قۇرىلىسىنىڭ جابدىقتارى، كولىك قۇرالدارىنىڭ شاناعى جانە باسقا دا ونىمدەر تاسىمالدانادى.

ەسكە سالا كەتەيىك، قازاقستان 2009-جىلى ۋران ءوندىرىسى بويىنشا الەمدە ءبىرىنشى ورىنعا شىقتى جانە باعانىڭ تۇراقسىزدىعىنا قاراماستان، بۇل ورنىن قازىرگى ۋاقىتقا دەيىن ساقتاپ كەلەدى. قازاقستان الەمدىك ۋران ءوندىرىسىنىڭ 40 پايىزىن شىعارۋدا.