پاك كىن حە يمپيچمەنتى: كورەيا مەن قازاقستان قاتىناسىنا اسەرى قانداي؟

استانا. قازاقپارات - وڭتۇستىك كورەياداعى قازاقستاننىڭ توتەنشە جانە وكىلەتتى ەلشىسى دۋلات باقىشەۆ پرەزيدەنت پاك كىن حەگە يمپيچمەنت پروتسەسى كەزەڭىندە ەكى ەلدىڭ ءوزارا قارىم-قاتىناسىنا تۇسىنىك بەردى، دەپ حابارلايدى قازاقپارات.

«كورەي رەسپۋبليكاسىنىڭ پرەزيدەنتىنە يمپيچمەنت ەكىجاقتى قاتىناستارعا ەشقانداي دا اسەر ەتپەيدى، سەبەبى قازىرگى كەزدە ەلدىڭ پرەمەر-ءمينيسترى پرەزيدەنتتىڭ مىندەتتەرىن ورىنداپ جاتىر.

جاقىن ارادا سايلاۋ وتەدى جانە جاڭا كوماندا بولادى. وڭتۇستىك كورەيا سىرتقى ىستەر مينيسترلىگى قازاقستانمەن، سونداي-اق بارشا الەممەن بايلانىستاردا ەشقانداي پروبلەما بولمايتىنىنا سەندىردى»، - دەدى باقىشەۆ.

بۇدان بۇرىن حابارلانعانداي، وڭتۇستىك كورەيانىڭ كونستيتۋتسيالىق سوتى پرەزيدەنت پاك كىن حەگە جاريالانعان يمپيچمەنتتى ماقۇلدادى. وسىلايشا، 10- ناۋرىز ونىڭ مەملەكەت باسشىسى رەتىندەگى سوڭعى كۇنى بولدى.

زاڭعا سايكەس، مەرزىمنەن تىس جاڭا پرەزيدەنتتىك سايلاۋ 60 كۇن ىشىندە ءوتۋى ءتيىس، كۇنتىزبەلىك ەسەپ بويىنشا، سايلاۋ شامامەن 9- مامىردا بولادى. بۇل داۋلى ىسكە پرەزيدەنتتىڭ جاقىن قۇربىسى تسوي سۋن سيل سەبەپشى بولدى. تسوي ساياسي ىقپالدى پايدالانىپ، ءىرى كورەيالىق كومپانيالارعا قىسىم جاساپ، الىمدار جيناعان، سونداي-اق ول تيەسىلى قورلار ەسەپشوتتارىنا اقشا اۋدارۋعا ماجبۇرلەدى دەپ ايىپتالۋدا.

تەرگەۋ نۇسقاسىنا قاراعاندا، پاك قۇربىسىنىڭ استىرتىن ارەكەتتەرىنەن حاباردار بولعان.

اۆتور: رۋسلان عابباسوۆ