ايمانوۆ اتىنداعى «قازاق فيلم» «ەڭ سۇلۋ قىز» فيلمىنىڭ دايىندىق جۇمىستارىن باستادى

استانا. قازاقپارات - «قازاق فيلم» كينوستۋدياسىندا «ەڭ سۇلۋ قىز» اتتى كوركەم فيلمنىڭ ءتۇسىرىلىم الدىنداعى جۇمىستارى باستالدى، دەپ حابارلايدى قازاقپارات.

ق ر مادەنيەت جانە اقپارات مينيسترلىگى تاراتقان اقپاراتقا قاراعاندا، بۇل رەجيسسەر قاناعات مۇستافيننىڭ «16 قىز» كومەديالىق فيلمىنىڭ جالعاسى بولماق.

فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» كينوستۋدياسى  جانە «شەشەن فيلم» ستۋدياسى تۇسىرەدى.

فيلم دوستارىنىڭ اراسىندا ءالى وتباسىن قۇرماعان سامات جايىندا بولماق. دوسى باۋىرجان وعان قالىڭدىق تاۋىپ، ۇيلەندىرمەك بولىپ، ەكەۋى قالىڭدىق ىزدەپ ۇلكەن قالاعا كەلەدى. بۇل ساپاردا ولار ءتۇرلى وقيعالارعا تاپ بولادى.

ەكەۋى ويدا-جوقتا حالىقارالىق قىلمىسكەرلەر دەپ تانىلىپ، پوليتسەيلەر مەن بانديتتەردىڭ قۋعىنىنا ۇشىرايدى. قازىرگى تاڭدا ءتۇسىرىلىم توبى دايىندىق كەزەڭىندە. ءتۇسىرىلىم توبى رەكۆيزيتتەر دايىنداپ، كوستيۋمدەر مەن لوكاتسيا تاڭداۋ ۇستىندە. سونداي-اق جۋىق قوسالقى رولدەرگە كاستينگ جاريالاناتىن بولادى.

«ءتۇسىرىلىم توبى ءبىرىنشى فيلمدە جۇمىس ىستەگەن مامانداردان قۇرالعان. ولار رەجيسسەردى جاقسى تۇسىنەدى. ەستەرىڭىزدە بولار، «16 قىزدا» ءبىرىنشى پلاندا بەرىك ايتجانوۆ جۇرگىزگەن ۆولگا گاز-21 كولىگى بولاتىن، بۇل جولى مين ءداۋىرىنىڭ انتيكۆارلىق قۇمىراسى بولماق. بۇل فيلمدە كورەرمەندەردى ساپالى ازىلدەر مەن قىزىقتى وقيعالارمەن بايىتۋعا تىرىستىق»، دەيدى فيلمنىڭ پروديۋسەرى ايدارحان ادىلبايەۆ.

اۆتور: مارلان جيەمباي