قىتايدا ەلدەگى ەڭ ءىرى التىن كەن ورنى اشىلدى

استانا. قازاقپارات - قىتايدىڭ شاندۋن پروۆينتسياسىندا ەل تاريحىنداعى ەڭ ءىرى التىن كەن ورنى اشىلدى، دەپ حابارلايدى لەنتا. رۋ.

مامانداردىڭ باعالاۋىنشا، باعالى مەتال كولەمى 382,58 توننانى قۇرايدى، كەننىڭ جالپى قۇنى 22 ميلليارد دوللاردان اسادى. گەولوگتاردىڭ مالىمدەۋىنشە، التىن كەنىشى قاباتىنىڭ ەنى 67 مەترگە جەتەدى، ۇزىندىعى - شامامەن ەكى شاقىرىم.

جىنىستاعى باعالى مەتالدىڭ ورتاشا ۇلەسى تونناسىنا 4,52 گرام. 2015-جىلدىڭ قازان ايىندا بۇكىل الەمدىك التىن كەڭەسى (World Gold Council) جاريالاعان دەرەكتەرگە سۇيەنسەك، التىن قورى بويىنشا الەمدە ا ق ش ءبىرىنشى ورىندا تۇر (8133 توننا)، ەكىنشى ورىندا - گەرمانيا (3381 توننا)، ءۇشىنشى ورىندا - حالىقارالىق ۆاليۋتا قورى (2184 توننا). التىنى ەڭ از مەملەكەت - يەمەن، وندا 1,6 توننا عانا التىن قورى بار.