قىزىلوردالىق قىز- كەلىنشەكتەر تەكەمەت، تۇسكيىز باسۋدان سايىستى

قىزىلوردا. قازاقپارات-  قىزىلوردانىڭ قازالى اۋدانىندا ۇلىق ونەرىمىزدى جاڭعىرتۋ ماقساتىندا تەكەمەت، تۇسكيىز باسۋدان سايىس ءوتتى، دەپ حابارلادى قازاقپارات ح ا ا ءتىلشىسى.

«ءار ءۇيدىڭ تورىندە تەكەمەت تۇرسا...» تاقىرىبىنداعى بايقاۋدى قازالى اۋداندىق مادەنيەت جانە تىلدەردى دامىتۋ ءبولىمىنىڭ قولداۋىمەن اباي اۋىلدىق كلۋبى ۇيىمداستىردى. وعان اۋداننىڭ تۇكپىر- تۇكپىرىنەن كەلگەن اق جاۋلىقتى انالارىمىز قاتىسىپ، تەكەمەت پەن تۇسكيىز باسۋ بويىنشا سايىسقا ءتۇستى.

 بايقاۋعا اۋداندىق وقۋشىلار ءۇيىنىڭ ۇيىرمە جەتەكشىسى ۇلجان احمەتوۆا، اباي اۋىلدىق ايەلدەر كەڭەسىنىڭ ءتورايىمى، مادەنيەت سالاسىنىڭ ارداگەرى ساقىپجامال جۇماعالي، مادەنيەت جانە تىلدەردى دامىتۋ ءبولىمىنىڭ ادىسكەرى بەكزات ءاجىمۇرات قازىلىق جاسادى. سايىسۋشىلار العاشقى بولىمدە ۇيدەن دايىنداپ كەلگەن تەكەمەت پەن تۇسكيىزدەرىن كورمەگە قويىپ، تانىستىردى، جاسالۋ جولدارىن ءتۇسىندىردى. ال، ەكىنشى بولىمدە اياقتالماعان ءىستى سول جەردە جاساپ ءبىتىردى.

 شارا بارىسىندا سارىكول اۋىلدىق وكرۋگىنىڭ اكىمى باينازار ەرقوسايەۆ قۇتتىقتاۋ ءسوز سويلەدى. بايقاۋ ناتيجەسىندە ساربۇلاق اۋىلىنىڭ تۇرعىنى كۇمىسكۇل راحمەتوۆا باس جۇلدە السا، ابايلىق مەيرامكۇل كوپتىلەۋوۆا 1 - ورىندى يەلەندى. جۇلدەلى ەكىنشى ورىندى بەكارىستاندىق شىنار قوجاقوۆا مەن بوزكول اۋىلىنان كەلگەن بەيبىت ءابدىرامانوۆا ەنشىلەدى. كەلەسى ورىنداردى قوجاباقى اۋىلى اتىنان قاتىسقان ءمادينا قارجاۋبايەۆا، كاۋكەيلىك كۇلزيراش بالماسوۆا جانە لاقالى اۋىلىنىڭ تۇرعىنى مارياش دوسجانوۆا ءوزارا ءبولىستى.

 اۆتور: ەلۋباي اۋەزوۆ