داۋرەن ابايەۆتان حالىقارالىق ءدالىزدى ۇيالى بايلانىسپەن تولىق قامتاماسىز ەتۋ سۇرالدى

استانا. قازاقپارات - «باتىس ەۋروپا- باتىس قىتاي» حالىقارالىق ءدالىزىنىڭ 390 شاقىرىمى ينتەرنەت جەلىسىمەن جانە موبيلدى بايلانىسپەن قامتاماسىز ەتىلمەگەن.

  بۇل تۋرالى بۇگىن ءماجىلىستىڭ جالپى وتىرىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆتىڭ اتىنا جولداعان ساۋالىندا دەپۋتات گلەب شەگەلسكي ءمالىم ەتتى، دەپ حابارلايدى قازاقپارات.

 «نۇر وتان» پارتياسى فراكسياسى جانىنداعى كولىكتىك- لوگيستيكالىق ينفراقۇرىلىمدى دامىتۋ جونىندەگى كوميسسيانىڭ مۇشەلەرىنە «قازاۆتوجول» ۇلتتىق كومپانياسى» ا ق وكىلدەرى ۇسىنعان اقپاراتقا سايكەس، «باتىس ەۋروپا- باتىس قىتاي» حالىقارالىق ءدالىزىنىڭ 390 شاقىرىمى ينتەرنەت جەلىسىمەن جانە موبيلدى بايلانىسپەن قامتاماسىز ەتىلمەگەن»، - دەدى دەپۋتات.

 وسى ورايدا، ول الماتى، جامبىل وبلىستارىڭ كەيبىر اۋماعىندا، سونداي- اق اقتوبە جانە  قىزىلوردا وبلىستارىنىڭ ارالىعىنداعى ۋچاسكەدە موبيلدى بايلانىستى قامتاماسىز ەتۋ كەرەكتىگىن اتاپ ءوتتى.

«جول ۋچسكەلەرىندە قىس كەزىندە قانداي دا ءبىر بايلانىستىڭ بولماۋى قولايسىز سالدارعا الىپ كەلۋى مۇمكىن. اتالعان مالىمەتتى ەسكەرە وتىرىپ، سىزدەن بۇل ماسەلەگە ءتيىستى شەشىم جاساۋ مۇمكىندىگىن قاراستىرۋدى سۇرايمىز»، - دەدى گ. شەگەلسكي.

 ەستەرىڭىزگە سالا كەتەيىك، بيىلعى اقپاندا اقپارات جانە كوممۋنيكاتسيالار ءمينيسترى داۋرەن ابايەۆ جىل سوڭىنا دەيىن قازاقستاندا ۇيالى بايلانىس ساپاسى مەن موبيلدى ينتەرنەتتىڭ ساپاسى ارتاتىنىن مالىمدەگەن بولاتىن. «ەلىمىزدە ينتەرنەت جاقسى دامىعان، اسىرەسە، قالالاردا. ءبىراق، ينتەرنەت ۇنەمى جەتىلىپ تۇرادى. جەكەلەگەن ماسەلەلەر تۋىنداپ تۇرادى، ءبىز ول ماسەلەلەردى شەشۋدى مىقتاپ قولعا الامىز. ياعني، قازىر ءبىز بۇكىل قازاقستان بويىنشا راديوجيىلىك ستانسالارىن سالىپ جاتىرمىز. وسى ارقىلى ساندىق تەلەراديوتاراتۋعا كوشەمىز دە بوساعان جيىلىكتەردى ۇيالى وپەراتورعا بەرەمىز. ۇيالى بايلانىس وپەراتورلارى وسى جيىلىكتەردىڭ ارقاسىندا ۇيالى بايلانىس پەن ينتەرنەتتىڭ ساپاسىن ارتتىرادى»، - دەگەن ەدى مينيستر.

 اۆتور: رۋسلان عابباسوۆ