يندونەزيادا الىپ پيتون ەر ادامدى جۇتىپ قويدى
باسىلىم تاراتقان اقپارات بويىنشا، 25 جاسار اكبار سالۋبيرو جەكسەنبى كۇنى جوعالىپ كەتكەن جانە وسى كۇنى ول كورشى اۋىلعا بارىپ كەلمەك بولعان.
كەلەسى كۇنى اۋىل ازاماتى تۋرالى ەشبىر حابار بولماعانىنا الاڭداعان تۇرعىندار ونى ىزدەي باستايدى. سول كۇنى تۇرعىندار ءۇيدىڭ ارتىنان ورتا تۇسى دۇڭكيگەن 7 مەترلىك الىپ جىلاندى كورەدى. ولار جىلاننىڭ ءىشىن جارىپ، سالۋبيرونى تاۋىپ الدى. اۋىل كەڭەسىنىڭ وكىلى جىلان تابىلاتىن كۇننىڭ تۇنىندە ادامدار پالما القابىنان الدەكىمنىڭ شىڭعىرعان داۋسىن ەستىگەن، الايدا وندا ەشكىم بارا قويماعان. ادامداردىڭ نەگە كومەككە بارماعانىن ول ايتقان جوق.
2013 -جىلى بۇقارالىق اقپارات قۇرالدارىندا ءۇندىستاندا الىپ پيتوننىڭ كوشەدە جاتىپ قالعان ماس ادامدى جۇتىپ قويعانى تۋرالى اقپارات تاراعان بولاتىن. ماتەريالدا ادام جۇتىپ قويعان جىلاننىڭ سۋرەتى دە جاريالاندى.
الايدا BuzzFeed باسىلىمى يندونەزيا، وڭتۇستىك افريكا جانە قىتايدا بولعان تاپ وسىنداي جاعدايلار تۋرالى اقپاراتتاردا دا وسى سۋرەتتىڭ جاريالانعانىن حابارلاعان بولاتىن. سۋرەتتەگى جىلاننىڭ ادام جۇتىپ قويعانىن دالەلدەي الاتىن فاكتىلەر بولعان جوق ەدى.
اۆتور: ايدار وسپاناليەۆ 
