قىتايلىقتار قازاقستاندىق ومارتاشىلاردىڭ بالدارىنا قىزىعۋشىلىق تانىتۋدا

استانا. قازاقپارات - «قورعاس» حالىقارالىق شەكارالىق ىنتىماسقتاستىق ورتالىعى (ح ش ى و) باسپا ءسوز قىزمەتىنىڭ حابارلاۋىنشا، قازاقستانداعى ەكولوگيالىق جاعىنان تازا ونىمدەرگە قىتايلىقتار تاراپىنان سۇرانىس ەرەكشە.

بۇل تۋرالى بۇگىن «قازاقستان تەمىر جولى» ۇ ك» ا ق- نىڭ رەسمي سايتىندا جاريالاندى. ونداعى مالىمەتتەرگە قاراعاندا، وسى ۋاقىتتا «قورعاس» ح ش ى و- نا تاۋلىگىنە ءۇش مىڭ ادام كىرەدى.

ورتالىقتىڭ باسپا ءسوز قىزمەتى وكىلدەرىنىڭ پىكىرلەرىنشە، جاعدايدىڭ بۇلايشا قالىپتاسۋىنا 2016 -جىلعى 1- قاراشادان باستاپ، قازاقستان ازاماتتارىنىڭ «قورعاس» ايماعىنا جەكە كۋالىك ارقىلى وتۋىنە بەرىلگەن رۇقسات سەبەپ بولىپ وتىر.

«قىتاي تاراپىنان دا كەلۋشىلەر قاتارى كوبەيۋدە. 2016 -جىلى «قورعاستا» 2 ميلليون 500 مىڭ ادام بولدى»، - دەيدى «قورعاس» ح ش ى و» ا ق حالىقارالىق سەرىكتەستىك جانە ينۆەستيتسيالار باسقارماسىنىڭ باستىعى قۇربانجان احمەتوۆ.

ونىڭ ايتۋىنشا، قىتايلىقتار نەگىزىنەن، ەكولوگيالىق تازا تاعامدارعا، ونىڭ ىشىندە نان ونىمدەرى، ەت، كونديتەرلىك تاعامداردى كوپتەپ ساتىپ الادى. اسىرەسە، قازاقستاندىق ومارتاشىلاردىڭ بالدارى مەن وتاندىق مينەرالدى سۋعا دەگەن سۇرانىس جوعارى. سىيلىقتار مەن اشەكەي بۇيىمدارىنا دا قىزىعۋشىلىق باسىم.

 «2016 -جىلى قىتايلىق تۇتىنۋشىلار قازاقستاندىق ءونىم وندىرۋشىلەردەن 436 ميلليون دوللاردىڭ ءتۇرلى تاۋارلارىن ساتىپ العان»، - دەلىنگەن «قورعاس» ح ش ى و» تاراتقان باسپا ءسوز مالىمەتتەرىندە.