20:50, 28 - ناۋرىز 2017 | GMT +5
ءۇندىستاندا ءۇش اياقتى قىز دۇنيەگە كەلدى
استانا. قازاقپارات - بۇل ەرەكشە بالا ءۇندىستاننىڭ شىعىسىنداعى شاعىن دجانگاون قالاسىندا دۇنيەگە كەلگەن.
قىز «قالىپتى» اياق اراسىنداعى شابىندا ورنالاسقان ءۇشىنشى اياعىمەن تۋدى، دەپ حابارلايدى Mirror.
ونىڭ بۇنداي اۋىتقۋى - ومىرگە كەلەتىن ءاربىر 100000-سابيدە كەزدەسەتىن «ەگىز-پارازيت» بيولوگيالىق قۇبىلىسى سالدارىنان بولعان.
وسىنداي پاتولوگيادا ەگىزدىڭ ءبىرى اعزاعا قاجەتتىلەردى ەكىنشى كەم دامىعانىنان ءسىڭىرىپ الادى. ناتيجەسىندە ەگىز-ءپارازيتتىڭ دەنەسى تولىعىمەن نەمەسە جارىم-جارتىلاي «كۇشتى» سىڭارىنا جابىسادى.
جاڭا تۋعان سابيگە جەتى كۇن تولعاندا ونىڭ اتا-اناسى حايدابارادون قالاسىنداعى (ءۇندىستانداعى تەلانگان شتاتىنىڭ اكىمشىلىك ورتالىعى) اۋرۋحاناعا الىپ بارادى. قىزعا ءۇش ساعات بويى وتا جاسالىندى. ونىڭ ءۇشىنشى اياعى الىنىپ تاستالدى، دارىگەرلەر بالانىڭ تولىقتاي ساۋىعىپ كەتۋىنە ۋادە بەرىپ وتىر.
