كۇيشى نۇرجان تاجىكەنوۆ گولليۆۋدتا كينوعا ءتۇستى

استانا. قازاقپارات - كۇيشى نۇرجان تاجىكەنوۆ امىرە قاشاۋبايەۆ تۋرالى فيلمگە ءتۇستى. گولليۆۋد پەن «قازاقفيلم» بىرلەسىپ تۇسىرگەن كينوكارتينا ا ق ش- تا تاسپالانعان.

بۇل تۋرالى Zhuldyz.tv ارناسىنا سىلتەمە جاساي وتىرىپ Stan.kz حابارلايدى.

2016 -جىل «ەسەنتاي production»  ورتىلىعى ءۇشىن ءساتسىز جىل بولدى. وعان پروديۋسەرلىك ورتالىقتىڭ باسشىسى بايان ەسەنتايەۆانىڭ باسىنان وتكەن جاعداي سەبەپ بولىپ وتىر. بۇل جاعداي، ارينە، پروديۋسەرلىك ورتالىقتاعى ونەرپازدارعا دا كەرى ىقپالىن تيگىزگەن.

«مەن جالعىز ازامات بولدىم. ودان كەيىن «الاۋ» توبى كەلدى، 4 ءىنىم، قازىر بەسەۋمىز. 2016 -جىلى نەگە كورىنبەي كەتتىڭىز دەپ تىڭدارماندارىم، كورەرمەندەرىم سۇراپ جاتىر. ونىڭ سەبەبىن بىلەسىزدەر. 2016 -جىل «ەسەنتاي» ۇجىمى ءۇشىن قيىن- قىستاۋ كەزەڭ بولدى. اللاعا شۇكىر، ونىڭ بارىنەن وتتىك. 2017 -جىلى ءبىزدى ۇلكەن جۇمىستار كۇتىپ تۇر.

گولليۆۋدتا كينوعا تۇستىك. ەكى اي كولەمىندە سول جاقتا بولدىم. بۇيىرسا ەكسپو كەزىندە تۇساۋى كەسىلەدى. امىرە قاشاۋبايەۆ اتامىزدىڭ كينوسىن گولليۆۋدتىقتار «قازاقفيلممەن» بىرلەسە وتىرىپ ءتۇسىردى.

ول جاقتا قازاقتاردان بولەك، وزگە ۇلتتىڭ وكىلدەرى دومبىراعا قاتتى قىزىقتى. ءبىز بارىمىزدى سالدىق. قازاقتىڭ ونەرلى حالىق ەكەنىن كورسەتتىك» ، - دەيدى تاجىكەنوۆ.

ودان كەيىن كۇيشى جىگىت الداعى جوسپارلارىمەن ءبولىستى.

«كۇي اتاسى قۇرمانعازىنىڭ «اداي» كۇيىن ەكسپو- عا ەكسپورتتايىن دەپ جاتىرمىن. قىسقامەتراجدى كينو ەسەبىندە بەينەبايان تۇسىرىلەدى» ، - دەپ تۇيىندەدى ءسوزىن نۇرجان.

ايتا كەتەيىك، بايان ەسەنتايەۆانىڭ تالانتتى «ۇلىن» كوپشىلىك «Turkvizyon-2014» بايقاۋىنان كەيىن تانىدى. ەستەرىڭىزدە بولسا، نۇرجان تاجىكەنوۆ جانار دۇعالوۆانىڭ ءانىن دومبىرامەن سۇيەمەلدەدى. ال جاڭاشا ارلەنگەن «ءىزىن كورەم» تۋىندىسى جانارعا حالىقارالىق بايقاۋدا جەڭىس الىپ كەلدى.