تورەشىگە ءتىل تيگىزگەن مەسسيدىڭ باسى بالەگە قالدى

 استانا. قازاقپارات - ارگەنتينا قۇراماسىنىڭ شابۋىلشىسى فيفا تاراپىنان بىلىكتىلىگىنەن ايىرىلۋى مۇمكىن دەپ حابارلايدى eurosport.ru سايتىنا سىلتەمە جاساعان NUR. KZ.

فيفا ارگەنتينا- چيلي ماتچى كەزىندە لاينسمەندەردىڭ بىرىنە ءتىل تيگىزدى دەگەن اقپاراتتان كەيىن، ارگەنتينا (AFA) فۋتبول اسسوتسياتسياسىنا اتالعان اقپاراتتى انىقتاۋ ءوتىنىشىن جىبەرگەن. AFA قىزمەتكەرلەرى مۇنداي اقپاراتتى راستاۋعا ەش نەگىز تاپپاعاندارىن ايتۋدا.

بۇدان كەيىن، فيفا ماتچقا قىزمەت كورسەتكەن برازيليانىڭ اربيترلەر بريگاداسىنان سۇراستىرعان. ءبىراق، تورەشىلەر مەسسيدىڭ ەشكىمگە ءتىل تيگىزبەگەنىن مالىمدەدى. دەگەنمەن، فيفا ارگەنتينانىڭ فۋتبول اسسوتسياتسياسىندا اقپارات راستالماعان كۇننىڭ وزىندە، ويىنشىنى بىلىكتىلىگىنەن ايىرۋعا قۇقىلى ەكەندەرىن ەسكەرتتى.