ديماش ميكروفوندى العان ماراپاتىنان بيىك قويدى
دەپ حابارلايدى قازاقپارات.
«كىم بايقادى!؟ ادەيى ەمەس، بۇل سۋرەت - كەزدەيسوق تۇسىرىلگەن! باسىلىمدارعا دا جاريا بولعان سۋرەت!!! وسىنداي پرەميالاردىڭ ءجۇزىن كوردىم، مىقتىلاردىڭ مىقتىسى ساحناعا شىعىپ قۋانعان ساتتە ۇتقان جۇلدەسىن (ستاتۋەتكا) سىيلىعىن بيىككە كوتەرەتىن ەدى... ءبىزدىڭ ديماشتىڭ وڭ قولىنداعى ميكروفونى ودان دا بيىك تۇر!!! قۋانعاننان مۇمكىن تىم فيلوسوف بولىپ كەتكەن شىعارمىن، بالكىم! ءبىراق، سول قولىنداعى جۇرەك تۇسىنداعى ماراپاتى، وڭ قولىنداعى بيىككە كوتەرىلگەن ميكروفونى بولماسا كەلمەس تە ەدى... اللانىڭ قۇدىرەتى دەر ەم بۇل سۋرەتتى! بۇل بەلگى... قانشاما قۋانعانىمەن نەنىڭ قادىرى بيىك ەكەنىن ۇمىتپاۋىمىز كەرەك دەگەندەي سىر كەشەدى بۇل سۋرەت!..»، - دەپ جازعان ديماشتىڭ رەسمي وكىلى الپامىس ءشارىموۆ. ەستەرىڭىزگە سالا كەتەيىك، كەشەگى سالتاناتتى ماراپات كەزىندە ديماش قۇدايبەرگەن كورەرمەندەرگە قازاق تىلىندە العىس ايتتى.
«اسسالاۋماعالەيكۇم، قۇرمەتتى الەۋمەت! وتە قاتتى قۋانىشتىمىن. بۇل مەنىڭ شەت ەلدەگى ەڭ العاشقى ۇلكەن سىيلىعىم. ەڭ الدىمەن، ءوزىمنىڭ اتا- اناما جانە دە جان دوسىما كوپ راحمەت ايتامىن، مەنى قولداپ- دەمەۋ بولىپ جۇرگەندەرىنە. جانە دە مەنىڭ باعىمدى اشقان، الەمگە تانىتىپ جاتقان «Singer» جوباسىنا العىس ايتامىن! مەنى قولداپ جۇرەتىن بارشا تىڭدارماندارىما راحمەت ايتقىم كەلەدى! بار بولىڭىزدار، امان بولىڭىزدار! بۇل تەك باستاماسى عانا»، - دەدى ديماش.
اۆتور: كەنجەكەي توقتامۇرات قىزى
