ءتورت ايدان استام جۇرەكسىز ءومىر سۇرگەن ارۋ الەمدى تاڭ قالدىردى - فوتو
سيممونستىڭ جۇرەگى ءالسىز ءارى كامەراسى ۇلكەيىپ كەتكەندىكتەن مەديتسينادا ديلاتاتسيالىق كارديوميوپاتيا دەپ اتالاتىن كەسەلگە شالدىققان. سونىڭ كەسىرىنەن ونىڭ جۇرەگى دەنەگە قاندى تولىق ايداي الماي، قان اينالىمى پروتسەسى بۇزىلعان.
ماياميدەگى بالالار اۋرۋحاناسىنىڭ حيرۋرگتارى 2008 -جىلدىڭ 2 - شىلدەسىندە قىزعا الدىن- الا جۇرەك اۋىستىرۋ وپەراتسياسىن وتكىزدى. ءبىراق ونىڭ جاڭا جۇرەگى دۇرىس جۇمىس ىستەمەي، ونى دەرەۋ الىپ تاستاۋعا تۋرا كەلگەن. وسىلايشا، جاس قىز جۇرەكسىز ءومىر سۇرە باستادى.
«جاننا 118 كۇن جۇرەكسىز توسەككە تاڭىلىپ جاتتى. ونىڭ قانىن قولدان جاسالعان ەكى سورعى اينالدىرىپ وتىردى»، - دەيدى دوكتور ريچچي.
توسەككە تاڭىلعان ءتورت اي ۋاقىت بويجەتكەننىڭ اعزاسىنا وڭاي تيمەگەن. وسىنشاما ۇزاق ۋاقىت ىشىندە قيمىل- قوزعالىسسىز جاتقان ناۋقاستىڭ بۇيرەگى مەن باۋىرى زاقىمدانىپ، اسقازانىنان قان كەتكەن.
سول جىلدىڭ قازان ايىندا دونور تابىلىپ، وپەراتسيا ءساتتى وتكەن. جاڭا جۇرەك جاس قىزدىڭ اعزاسىنا تەز بەيىمدەلدى.
بۇل مەديتسينا تاريحىندا بۇرىن- سوڭدى بولماعان وقيعا ەدى.
