ءماجىلىس ءتوراعاسىنىڭ ورىنباسارى سىرتقى ىستەر مينيسترلىگىن سىنعا الدى

استانا. قازاقپارات - ەكونوميكالىق ديپلوماتيانى كۇشەيتۋ قولعا الىنباق. بۇل تۋرالى سىرتقى ىستەر ءمينيسترى قايرات ءابدىراحمانوۆ مالىمدەدى.

ايتۋىنشا، ەكونوميكالىق ديپلوماتيانى كۇشەيتۋ ءۇشىن مينيسترلىكتى جۇمىسىن قايتا قۇرۋعا نازار اۋدارۋ قاجەت. بۇل شەتەلدىك ينۆەستيتسيالاردى تارتۋ مەن وتاندىق تاۋارلاردى ەكسپورتتاۋ. سونداي- اق حالىقارالىق ارەنادا قازاقستاننىڭ مۇددەسىن قورعاۋ بويىنشا بەلسەندى جۇمىستار جۇرگىزىپ، كادر ساياساتىن جەتىلدىرۋ، - دەدى قايرات ءابدىراحمانوۆ.

قايرات ءابدىراحمانوۆ، ق ر سىرتقى ىستەر ءمينيسترى:

مەملەكەت باسشىسى ديپلوماتيالىق قىزمەت ورگاندارىنىڭ كادرلىق ساياساتىن ودان ارى جەتىلدىرۋدى اتاپ وتكەن بولاتىن. ءبىز اتالعان تاپسىرمالاردى ورىنداۋ بويىنشا بەلسەندى جۇمىستار جۇرگىزىپ جاتىرمىز. ءبىراق مويىنداۋ كەرەك بۇل سالادا كەمشىلىكتەر ءالى كوپ.

مينيسترلىكتەگى كەمشىلىكتەر دەپۋتاتتاردىڭ دا نازارىنان تىس قالمادى. بۇگىن ۇكىمەت ساعاتىندا ءماجىلىس ءتوراعاسىنىڭ ورىنباسارى ۆلاديمير بوجكو، قازاقستاندىق تاۋارلار شەتەلدە دۇرىس جارنامالانبايدى دەپ، ۆەدومستۆونى سىنعا الدى. ونىڭ ايتۋىنشا، 90 ەل قاتىسقان گەرمانياداعى اۋىل شارۋاشىلىق جارمەڭكەسىندە قازاقستاننىڭ ءبىر دە ءبىر وكىلى بولماعان.

 ۆلاديمير بوجكو، ق ر پارلامەنتى ءماجىلىسى ءتوراعاسىنىڭ ورىنباسارى:

 گەرمانياداعى جارمەڭكەدە قىرعىزستان، موڭعوليا، ءازىربايجان، وزبەكستان مەن ۋكراينانىڭ ستەندتەرى بولدى. قازاقستان عانا جوق. اۋىل شارۋاشىلىعى تاۋارلارىن قالايشا شەت ەلدەرگە تانىتامىز؟ سىرتقى ىستەر مينيسترلىگى مەن باسقا دا ۆەدومستۆولاردىڭ ەكونوميكالىق ينستيتۋتتارى وتاندىق وندىرۋشىلەردى ءوسىرۋ بويىنشا باعىتتاردى نەگە ۇمىتىپ كەتە بەرەدى؟

ASTANATV. KZ