08:30, 28 - ناۋرىز 2017 | GMT +5
اكۋلانىڭ بويجەتكەنگە شابۋىلداماق بولعان ءساتىن ۆيدەوعا ءتۇسىرىپ ۇلگەردى
استانا. قازاقپارات - فلوريدا تۇرعىنى دەۆيد ديەس (David Diez) كۆادروكوپتەردىڭ كومەگىمەن اكۋلانىڭ بويجەتكەنگە شابۋىلداماقشى بولعان ارەكەتىن ءتۇسىرىپ الدى.
بۇل تۋرالى UPI حابارلادى.
Instagram-عا جاريالاعان ۆيدەودا بويجەتكەن بەتپەردە، جۇزۋگە ارنالعان اياق كيىممەن تەڭىزدە ءجۇزىپ جۇرەدى. كۇتپەگەن جەردەن وعان اكۋلا جاقىنداپ كەلىپ، اياق كيىمىن تىستەلەيدى، ءبىراق سوڭعى ساتتە بۇرىلىپ، باسقا جاققا ءجۇزىپ كەتەدى. قىزدىڭ ارەكەتىنە قاراعاندا، ول ەشتەڭەنى بايقاماعان سىڭايلى.
ديەستىڭ ايتۋىنشا، اكۋلانىڭ ۇزىندىعى شامامەن 1,2-1,5 مەتر.
ۆيدەو اۆتورىنىڭ پىكىرىنشە، شاماسى اكۋلا اياق كيىمدى بالىق دەپ قالعان، قاتەلەسكەنىن بىلگەن سوڭ كوزدەن تاسا بولعان.
