جامبىل وبلىسىندا جاسىل جوبالار جەمىسىن بەرە باستادى
بيىل ايماقتا ۇلكەن قوسالقى ستانسيانىڭ قۇرىلىسى باستالادى. قورداي اسۋىنداعى مىنا جەل ەلەكتر ستانسيالارى ءۇش بىردەي كومپانياعا تيەسىلى. ەكى جوبا تولىقتاي جۇزەگە اسىرىلىپ، تۇراقتى جۇمىس ىستەپ تۇر. ال قۋاتى 53,75 مەگاۆاتتىق ءۇشىنشى ستانسيا كەزەڭ- كەزەڭمەن سالىنىپ جاتىر. ونىڭ قۋاتى الدىڭعىلارىنان ەكى جارىم ەسەگە كوپ. قازىر 19 قوندىرعى ورناتىلىپ قويعان. ول پايدالانۋعا بەرىلگەن كۇننەن باستاپ شامامەن 47 ميلليون كيلوۆات ساعات ەلەكتر ەنەرگياسى وندىرىلگەن.
مارات تۇكبايەۆ، ءوندىرىس جونىندەگى ديرەكتور:
- ەلەكتر ەنەرگياسىن ءوندىرۋ كولەمى تىكەلەي تابيعاتقا بايلانىستى. جەل كوبەيگەن سايىن ءونىم دە ارتا تۇسەدى. بۇل تازا جاسىل ەنەرگيا. قازىر 40 شاقتى ستانتسيا جۇمىس ىستەپ جاتىر. ونىڭ 21- ءنىڭ قۋاتى 1 مەگاۆاتتان، 17- ءسىنىڭ 1,65 مەگاۆات بولادى. جوبا ءارى قاراي دا جالعاسىن تابادى. زۇلمۇرات سىزدىقوۆ وسى جەردە ەلەكتر جۇيەسىن رەتتەپ، ۇيلەستىرۋگە جاۋاپتى. وعان جاڭا تەحنولوگيانىڭ ءتىلىن شەتەلدەن كەلگەن ارنايى ماماندار ۇيرەتكەن.
زۇلمۇرات سىزدىقوۆ، تەحنيك- ەلەكتريك:
- گەنەراتوردىڭ جۇمىس ىستەگەنىن، قۋاتىن كورسەتىپ بەرەدى. وسى جەرگە كىرىپ، ءبىز قاتەلەرىن كورەمىز. ءبارى نەمىس تىلىندە شىعارىلعان. قازىر 8,2 كورسەتىپ تۇر. 115 كيلوۆات شىعارىپ تۇر. الىستان شاعىن بولىپ كورىنگەنىمەن ءار مۇنارانىڭ بيىكتىگى 70-90 مەترگە دەيىن جەتەدى. باسىندا اينالىپ تۇرعان قوندىرعىنىڭ ءار قالاعىنىڭ سالماعى 3 توننا تارتادى. ول جەلدىڭ ەكپىنى سەكۋندىنا 4 مەتردەن اسقاندا عانا اينالا باستايدى. ال جەلدىڭ كۇشى سەكۋندىنا 25 مەترگە جەتكەندە ستانسيا اۆتوماتتى تۇردە بۇعاتتالىپ، سىرەسىپ قالادى. ول گەنەراتوردىڭ زاقىمدانۋىنان ساقتايدى.
قازىر وڭىرگە قاجەتتى ەلەكتر ەنەرگيانىڭ باسىم بولىگى قىرعىز ەلىنەن الىنىپ وتىر. جاقىندا قوسالقى ستانسيا سالىنباق. جوسپار ورىندالسا، بۇل يمپورت كولەمىن تومەندەتۋگە سەپ بولدى.
قايرات دوسايەۆ، قورداي اۋدانىنىڭ اكىمى:
- جوعارى ۆل-220 دەپ ايتامىز. ۇلكەن پودستانسيا قوردايدا سالىناتىن بولدى. بيىلعا بولىنگەن 500 ميلليون تەڭگە جوبالىق سمەتالىق قۇجاتتىڭ ءبارى دايىن. بولىنگەن جەرىمىز دايىن. ىسكە قوسىلاتىن بولسا بىزدە قىرعىزستانعا تاۋەلدىلىكتەن شىعامىز. تاعى ءبىر جاڭالىق. قورداي اسۋىندا جىلدىق قۋاتى 99 مەگاۆات بولاتىن جاڭا ستانسيا بوي كوتەرەدى. قازىر وسىعان قاتىستى كەلىسسوزدار ءجۇرىپ جاتىر.
www.24.kz
