الماتى قالاسىنىڭ اكىمى مەديتسينالىق مەكەمەلەردى يزرايل مەن گەرمانيا كومپانيالارىنا بەرۋدى ۇسىندى
دەپ حابارلايدى قازاقپارات ءتىلشىسى.
«الماتىلىقتار شەتەلدە ەمدەلۋگە 500 ميلليون دوللار جۇمسايدى. ولاردىڭ دەنى وڭتۇستىك كورەيا، يزرايل، گەرمانياعا بارادى. مەنىڭشە، ءبىزدىڭ مەديتسينالىق مەكەمەلەردى وسىنداعى بىرەۋگە بەرە سالماي، سول برەندتەرگە بەرۋ قاجەت. ءبىز بارىپ ەمدەلەتىن برەندتەرگە بەرۋ كەرەك. ولارمەن وسىندا كەلىپ قىزمەت كورسەتۋ جاعىنان كەلىسۋ كەرەك. سوندا پاتسيەنتتەر جاعى ارتادى. سەبەبى، ۆيزاعا، جولعا، ۇشاققا، سوندا تۇرۋعا اقشا جۇمسالادى. ونىمەن قاتار، ەمدەلۋگە ادام جالعىز بارمايدى. ءبىز اشىقتىقتى ساقتاي وتىرىپ، الماتىلىقتار سەنەتىن كومپانيالار وسىندا كەلەتىندەي جاعداي جاساعىمىز كەلەدى»، - دەدى باۋىرجان بايبەك.
ايتا كەتەيىك، بۇگىن الماتى كاسىپكەرلەرىنىڭ جىل سايىنعى كونفەرەنسياسى ءوتىپ جاتىر. كۇن تارتىبىندە الماتى قالاسى كاسىپكەرلىگى دامۋىنىڭ نەگىزگى باسىمدىقتارى ونىڭ ىشىندە مەملەكەتتىك- جەكەشەلىك ارىپتەستىك، جەكەشەلەندىرۋ، تۋريزم دامۋى، بيزنەس- ورتانى قالىپتاستىرۋ ۇسىنىستار بويىنشا ماسەلەلەر تالقىلانۋدا.
اۆتور: الماس مۇقاش ۇلى
