قازىرگى ۇرىلار «تالانتتى» - باس پروكۋرور جاقىپ اسانوۆ

استانا. قازاقپارات - ق ر باس پروكۋراتۋراسى مەن ىشكى ىستەر مينيسترلىگى ۇرلىقپەن كۇرەستىڭ جول كارتاسىن ازىرلەدى.

 بۇل تۋرالى بۇگىن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا ق ر باس پروكۋرورى جاقىپ اسانوۆ ايتتى.

 «ۇرلىقپەن قالاي كۇرەسۋ كەرەك؟ ول ءۇشىن ءبىر امەريكا اشىپ، ۆەلوسيپەد ويلاپ تابۋدىڭ قاجەت جوق. دۇنيەجۇزىندە تەحنولوگيالار كوپ. بۇكىل الەم ونى ويلاپ تاپقان، كامەرا، دابىل جۇيەسى، ءى م ى- كود، ايتا بەرسەڭ نەشە ءتۇرلى وزىق تاسىلدەر بار. ۇرىلار بۇرىنعىداي ەمەس، قۋلانعان. ولار وتە «تالانتتى»، «دارىندى». سولارمەن دۇرىس كۇرەسۋ ءۇشىن قوعامدى بىرىكتىرۋ كەرەك»، - دەدى جاقىپ اسانوۆ.

باس پروكۋرور ۇرلىقپەن كۇرەسۋدىڭ جول كارتاسى ازىرلەنگەنىن اتاپ ءوتتى.

«ول (جول كارتاسى - اگەنتتىك) - 46 ناقتى تارماقتان تۇراتىن قۇجات. ونى باس پروكۋراتۋرا مەن ىشكى ىستەر مينيسترلىگى ازىرلەدى»، - دەدى اسانوۆ.

 اۆتور: كەنجەكەي توقتامۇرات قىزى