سىرتقى ىستەر مينيسترلىگى ەكونوميكالىق ديپلوماتياعا بارىنشا ءمان بەرەتىن بولادى
بۇل تۋرالى ق ر سىرتقى ىستەر مينيسترلىگىنىڭ القا ماجىلىسىندە وسى ۆەدومستۆونىڭ باسشىسى قايرات ءابدىراحمانوۆ ءمالىم ەتتى، دەپ حابارلايدى قازاقپارات.
«مەملەكەت باسشىسى ءوز جولداۋىندا ەلىمىزدىڭ ودان ارى قاراي جاڭعىرۋىنىڭ اسقاق مىندەتتەرىن ايقىنداپ، ءبىزدىڭ الدىمىزعا وتە ماڭىزدى باعىتتاردى بەلگىلەدى. ولاردى ىسكە اسىرۋعا ەكونوميكالىق ديپلوماتيانى جانداندىرۋ قاجەتتىلىگىن اتاپ كورسەتتى. تۇتاستاي العاندا، سىرتقى ساياسي ۆەدومستۆو ەلباسى بەلگىلەپ بەرگەن ولشەمدەر اياسىندا قىزمەت اتقارۋدا. ءبىز اتالعان تاپسىرمالاردى ورىنداۋ بويىنشا بەلسەندى جۇمىستى جۇرگىزىپ جاتىرمىز. ءبىراق ونى ءبىز مويىنداۋىمىز كەرەك، بۇل سالادا كەمشىلىكتەر ءالى كوپ»، - دەپ توقتالدى مينيستر.
ونىڭ سوزىنە قاراعاندا، سىرتقى ساياسي ۆەدومستۆو مەن ونىڭ شەت ەلدەگى مەكەمەلەرى قىزمەتىنەن ەكونوميكالىق سەرپىننىڭ ارتۋى ءۇشىن قادامداردى قايتا قاراستىرۋ قاجەتتىگى بار. «وسىنىڭ بارلىعى جولداۋدا ايقىن كورىنىس تاپقان جانە بيىلعى اقپاندا ۇكىمەتتىڭ كەڭەيتىلگەن وتىرىسى بارىسىندا دا قاداپ ايتىلدى. ەكونوميكالىق ديپلوماتيا، ءبىزدىڭ قىزمەتتى ەكونوميكالاندىرۋ - بۇل سىرتقى ىستەر مينيسترلىگى مەن شەت ەلدەگى مەكەمەلەردىڭ بارشا جۇيەسىنىڭ اسا ماڭىزدى ماقساتى»، - دەپ اتاپ ءوتتى ءابدىراحمانوۆ.
ۆەدومستۆو مالىمەتىنشە، 2016 -جىلدىڭ قورىتىندىسى بويىنشا ق ر س ءى م مەن شەت ەلدەردەگى مەكەمەلەردىڭ تىكەلەي قاتىسۋىمەن ساۋدا- ەكونوميكالىق جانە ينۆەستيتسيالىق تاقىرىپتاردا 300 دەن استام شارا وتكىزىلدى.
وسى رەتتە بىلتىر ينۆەستيتسيا تارتۋ تۇرعىسىندا ايتارلىقتاي ءوسىم بايقالدى. 2016 -جىلدىڭ 9 ايىنداعى ناتيجە بويىنشا شەتەلدىك ينۆەستيتسيانىڭ جالپى اعىمى 2015 -جىلدىڭ سايكەس كەزەڭىنە قاراعاندا 27,3 پايىزعا ارتىپ، 14,5 ميلليارد ا ق ش دوللارىن قۇرادى. جالپى، 2005 -جىلدان بەرى ەلىمىزگە 236 ميلليارد دوللار شەتەل ينۆەستيتسياسى تارتىلدى.
اۆتور: رۋسلان عابباسوۆ
