قىتاي ۆيسە- پرەمەرى جاھاندانۋ كەزىندە ازيانى دامىتۋدىڭ بەس قاعيداتىن اتادى
دەپ حابارلادى ت ا س س.
«ازيانىڭ دامۋى الەمسىز، ال الەمنىڭ ازياسىز گۇلدەنۋى مۇمكىن ەمەس. ءبىز جاھاندانۋدان كوپ نارسە الدىق جانە كوپ ۇلەس تە قوستىق»، - دەدى ول.
ونىڭ ايتۋىنشا، ازيا ەلدەرى بىرلەسىپ ەكونوميكالىق جاھاندانۋ مەن الەمدىك ساۋدانى جىلجىتۋ ءۇشىن بەس قاعيداتتى ۇستانادى. ءبىرىنشى قاعيدات - بەيبىت دامۋعا ىقىلاستىلىق، دەدى جاڭ گاولي.
«بەيبىت جاعدايدا بولماسا، ەكونوميكالىق جاھاندانۋ - بۇل جالعان بولادى. الەمدى ساقتاۋدا نەگىزگى جاۋاپكەرشىلىك ۇلى دەرجاۆالاردا. ولار ءوزارا ستراتەگيالىق بايلانىستاردى كۇشەيتىپ، سەنىمدى تەرەڭدەتىپ، ءبىر- ءبىرىنىڭ مۇددەلەرىن قۇرمەتتەۋى ءتيىس. ەگويستىك مۇددە سالدارىنان وڭىرلىك تۇراقتىلىققا، ستراتەگيالىق جاھاندانۋعا زالال كەلتىرمەۋى قاجەت»، - دەدى ول.
«يننوۆاتسيالىق دامۋ (ەكىنشى قاعيدات) - الەمدىك ەكونوميكا ءوسىمىنىڭ قوزعاۋشى كۇشى. يننوۆاتسيا، رەفورما ەسەبىنەن سەرپىندى قامتاماسىز ەتىپ، سونداي- اق مونەتارلىق ساياساتتى، قۇرىلىمدىق رەفورمانى ۇيلەستىرىپ، جاڭا تەحنولوگيانى پايدالانۋىمىز قاجەت»، - دەدى ۆيتسە- پرەمەر.
ءۇشىنشى قاعيدات - دامۋ اشىقتىعى. «ءبىز كۇللى الەمگە باعدارلانعان ۇلكەن نارىق، ەركىن ساۋدا جەلىسىن قۇرۋدى العا جىلجىتۋىمىز قاجەت»، - دەدى جاڭ گاولي.
ءتورتىنشى قاعيدات - «بىرلەسىپ داۋىرلەۋدى» دامىتۋ. «كۇللى الەمدە يگىلىكتى الۋ، تۇتىنۋ تەڭگەرىمسىزدىگى مەن تۇراقسىزدىعى پروبلەمالارىن شەشۋگە باسا نازار اۋدارۋ قاجەت. وڭتۇستىك ەلدەردىڭ جاھاندىق ەكونوميكانى دامىتۋدىڭ يندۋستريالدىق تىزبەگىنە قاتىسۋىنا جاردەمدەسىپ، كەي ەلدەردەگى كەدەيلىكپەن كۇرەسۋگە كۇشىمىزدى جۇمىلدىرۋىمىز قاجەت»، - دەدى ول.
سوڭعى قاعيدات - ادىلدىك پەن تەڭدىك، - دەدى ول. «ساۋدا- ەكونوميكالىق ىنتىماقتاستىقتا بارلىق ەلدەر الەمدىك ەكونوميكانى دامىتۋعا تەڭ قاتىسۋى قاجەت، وسى عانا ونىڭ دامۋىنا جاردەمدەسە الادى»، - دەپ ءسوزىن تۇيىندەدى جاڭ گاولي.
