قازاق سپورتشىسى قىتايلىق قارسىلاسىن نوكاۋتقا ءتۇسىرىپ، تايلاند كورولىنىڭ كۋبوگىن يەلەندى

استانا. قازاقپارات - قازاقستاندىق مۋاي-تاي شەبەرى داۋلەت وتاربايەۆ تايلاند استاناسى پحۋكەت قالاسىندا وتكەن تاي بوكسىنان «Bangla FC» تۋرنيرىندە جەڭىمپاز اتاندى، دەپ حابارلايدى قازاقپارات ءتىلشىسى.

داۋلەت وتاربايەۆ «Bangla FC» تۋرنيرىنىڭ فينالىندا قىتايلىق قارسىلاسىن العاشقى راۋندتا نوكاۋتقا ءتۇسىردى. وسىلايشا، تاي بوكسىنان الەمدەگى ەڭ مارتەبەلى جارىس سانالاتىن «Thai Fight» تۋرنيرىنە قاتىسقان وتاربايەۆ چەمپيون اتاندى.

ول وسىعان دەيىن مۋاي-تايدان ەلىمىز بەن رەسەيدىڭ بىرنەشە دۇركىن چەمپيونى اتانعان بولاتىن.

مىنە، بۇگىن تايلاند كورولىنىڭ كۋبوگىن دا ۇتىپ الدى.

ايتا كەتەيىك، الەمدەگى مۋاي-تاي شەبەرلەرىنىڭ باسىن قوساتىن باسەكەگە قازاقستان اتىنان تەك داۋلەت وتاربايەۆ قانا بارادى. بۇرىن-سوڭدى ءبىزدىڭ جىگىتتەر بۇل سىنعا قاتىسىپ كورمەگەن بولاتىن.

كۇنسۇلتان وتارباي