پرەزيدەنتتى مەملەكەتكە وپاسىزدىق جاساعانى ءۇشىن ءولىم جازاسىنا كەستى

استانا. قازاقپارات - «انسار اللا» شەيىتتەر قوزعالىسىنىڭ قۇرامىنداعى حۋسيت-باسكوتەرۋشىلەرىنىڭ باقىلاۋىندا تۇرعان يەمەن استاناسى سانادا قارۋلى توپ وكىلدەرى وزدەرىنىڭ جاۋى، ەل پرەزيدەنتى ابد راببو مانسۋر ءحاديدى مەملەكەتكە وپاسىزدىق جاساعانى ءۇشىن ءولىم جازاسىنا كەستى، دەپ حابارلايدى «روسبالت».

Reuters اگەنتتىگىنىڭ مالىمەتتەرى بويىنشا، ساياساتكەرگە اگرەسسور مەملەكەت - ساۋد ارابياسى مەن ونىڭ وداقتاستارىنا قولداۋ كورسەتتى دەگەن ايىپ تاعىلىپ وتىر. مەملەكەتكە وپاسىزدىق جاساعانى ءۇشىن ءولىم جازاسى يەمەننىڭ تاعى 6 جوعارى دارەجەلى شەندىسىنە بەرىلدى.

ولاردىڭ اراسىندا رەسپۋبليكانىڭ ا ق ش- تاعى ەلشىسى احمەد اۆاد بين مۋباراك پەن ەلدىڭ بۇرىنعى سىرتقى ىستەر ءمينيسترى رياد ياسين دە بار.

يەمەندە 2014-جىلدان بەرى ۇكىمەت اسكەرى مەن حۋسيتتەر اراسىندا قاقتىعىستار جالعاسىپ كەلەدى. وسى شيەلەنىستەردىڭ ناتيجەسىندە 40 مىڭنان استام ادام جەر جاستانىپ، 19 ميلليون ادام شۇعىل گۋمانيتارلىق كومەككە ءزارۋ بولىپ وتىر.