ب ا ق وكىلدەرى «قازاق حاندىعى» فيلمى تۇسىرىلگەن جاركەنت مەشىتىنە ارنايى باردى

تالدىقورعان. قازاقپارات - «قازاق حاندىعى» فيلمىنىڭ ەپيزودتارى تۇسىرىلگەن جاركەنت مەشىتىنە ب ا ق وكىلدەرى ارنايى باردى.

 كوپ سەريالى فيلمدە موعولستاننىڭ بيلەۋشىسى ەسەنبۇعانىڭ سارايى رەتىندە ءتۇسىرىلىم جۇمىستارى وسى مەشىتتە جۇرگىزىلگەن، دەپ حابارلايدى قازاقپارات ءتىلشىسى.

مۇراجاي قىزمەتىنىڭ مالىمەتىنشە، ءتۇسىرىلىم 2015 -جىلدىڭ كۇز جانە قىس مەزگىلدەرىندە جۇرگىزىلگەن.

 130 جىلدان استام تاريحى بار «جاركەنت» مەشىتىندە بۇعان دەيىن دە ءتۇرلى فيلمدەر تۇسىرىلگەن.

 ماسەلەن، «ەپيزود»، «گود دراكونا»، «اتاماننىڭ اقىرى» سىندى تۋىندىلاردى اتاپ وتۋگە بولادى.

مەشىتتىڭ ىرگەتاسى 1887 -جىلى قالانعان. قۇرىلىس جۇمىستارى بەس جىل جۇرگىزىلگەن. ونىڭ سالىنۋىنا ۇيىتقى بولعان ۇيىمداستىرۋشى سول زامانداعى اۋقاتتى ساۋداگەرلەردىڭ ءبىرى - احۋن يۋلداشيەۆ. ال مەشىت قىتايلىق ساۋلەتشى حون- پيكتىڭ جوباسى بويىنشا سالىنعان. جانە بۇل نىساننىڭ قالانۋىنا حالىق قارجىنى وزدەرى جيناعان. ءبىر دە ءبىر شەگەسىز سالىنعان «جاركەنت مەشىتى» بۇگىنگى تاڭدا ساۋلەت- كوركەمونەر مۇراجايىنا اينالعان. قابىرعالارىندا قۇران سۇرەلەرى جازىلعان نىسانعا كەلۋشى تۋريستەر سانى دا جىل ساناپ وسۋدە. 1892 -جىلدان 1918 -جىلعا دەيىن بۇل مەكەمە مۇسىلمانداردىڭ مەشىت مەدرەسەسى بولعان.

 ايتا كەتۋ كەرەك، الماتى وبلىسىنىڭ اكىمدىگى جانە وبلىستىق وڭىرلىك كوممۋنيكاتسيالار قىزمەتى بلوگ تۋر ۇيىمداستىردى.

 شاراعا رەسپۋبليكالىق جانە وبلىستىق ب ا ق وكىلدەرى، مەملەكەتتىك مەكەمەلەردىڭ باسپا ءسوز قىزمەتكەرلەرى جانە بلوگەرلەر قاتىسۋدا. ەكى كۇنگە جالعاساتىن ءىس- ساپار ۇيعىر جانە پانفيلوۆ اۋداندارىندا جالعاسادى. اياسىندا قاتىسۋشىلار ءتۇرلى نىسانداردىڭ جۇمىسىمەن، ماڭىزدىلىعىمەن تانىسادى.

اۆتور: سامال قابىشيەۆا