ۆولەيبول: «التاي» كومانداسىنىڭ چەمپيون اتانۋىنا ءسال عانا قالدى

استانا. قازاقپارات - جەكسەنبى كۇنى وسكەمەن قالاسىندا ايەلدەردىڭ ۇلتتىق ليگا كوماندالارى اراسىندا ەل بىرىنشىلىگىنىڭ سوڭعى تۋرى مارەگە جەتىپ، جەڭىمپاز- جۇلدەگەرلەر انىقتالادى،

 دەپ حابارلايدى «قازاقپارات» ح ا ا ءتىلشىسى.

 «قازسپورت» تەلەارناسىنان تىكەلەي ەفيردەن كورسەتكەنىندەي، سەنبى كۇنى چەمپيوندىق اتاقتان بىردەن- ءبىر ۇمىتكەر وسكەمەننىڭ «التايى» «الماتى» كومانداسىن 3:0 ەسەبىمەن تىزە بۇكتىردى.

 بۇل كەزدەسۋدە وسكەمەندىك كلۋبتىڭ ءبىرقاتار بەلدى ويىنشىلارىنا دەمالىس بەرىلىپ، قوسالقى قۇرامداعىلار الاڭعا شىقتى. سوعان قاراماستان، وسكەمەندىكتەر الماتىلىقتارعا دەس بەرگەن جوق. «التايدىڭ» قۇرامىندا ورال ۆولەيبولىنىڭ تۇلەكتەرى، نەگىزگى شابۋىلشىلاردىڭ ءبىرى سانا انارقۇلوۆاعا قوسا توسقاۋىل قويۋشى ايناگۇل ايجارىقوۆا دا الاڭعا شىقتى.

 ەندى «التايعا» بىرىنشىلىك اۋتسايدەرلەرىنىڭ ءبىرى «استانامەن» ەرتەڭگى ويىندا ءبىر عانا ۇپاي السا دا، جەتىپ جاتىر. قازىر وسكەمەندىكتەردىڭ ەنشىسىندە 75 ۇپاي بولسا، ەكىنشى ورىنداعى «يرتىش- كازحروم» (پاۆلودار) كومانداسىنىڭ ولاردان ءۇش ۇپايى كەم. ال تالدىقورعاندىق «جەتىسۋ» 58 ۇپايمەن ءۇشىنشى ورىندا كەلەدى.

سونىمەن، تۇركيالىق مامان بۋرحان جانبولات باپتايتىن «التايدىڭ» ەكىنشى جىل قاتارىنان ەل چەمپيونى اتانۋعا مۇمكىندىگى دە، شاما- شارقى دا تولىق جەتەدى.

اۆتور: ەلجان ەرالى