ە و ەلدەرىنىڭ باسشىلارى وداقتىڭ بولاشاعىنا قاتىستى ريم دەكلاراتسياسىنا قول قويدى
وندا قازىر ريم كەلىسىمىنىڭ 60 جىلدىعىنا بايلانىستى ە و ءسامميتى ءوتىپ جاتىر، دەپ حابارلايدى ت ا س س.
قوعامداستىققا مۇشە ەلدەردىڭ مەملەكەت باسشىلارى مەن ۇكىمەت باسشىلارى دەكلاراتسياعا قول قويۋ ءۇشىن پرەزيديۋم ستولىنا كەزەكپەن كەلىپ جاتتى.15 مينۋتتىق پروتسەس بارىسىندا جۋرناليستەردىڭ نازارى پولشا پرەمەر- ءمينيسترى بەات شيدلوعا اۋدى. ول قۇجاتقا قول قويۋ ءۇشىن بارعان كەزدە بىردەڭەدەن كۇماندانعانداي ويلانىپ تۇرىپ قالعان. الايدا بىرنەشە سەكۋندتان سوڭ ول قۇجاتقا قول قويعان.
ەڭ سوڭعىلاردىڭ ءبىرى بولىپ دەكلاراتسياعا ە و پەن ەۋروكەڭەس ينستيتۋتىنىڭ باسشىلارى دونالد تۋسك، ەۋروكوميسسيادان جان كلود يۋنكەر، ەۋروپارلامەنتتەن انتونيو تاياني قول قويدى. دەكلاراتسيا قوعامداستىقتىڭ ۇلى بريتانياسىز دامۋىنىڭ 4 باعىتىن قاراستىرادى.
قۇجاتتا ە و كوشباسشىلارى «ريم كۇن ءتارتىبى» بويىنشا جۇمىس ىستەۋگە كەلىسكەندىگى تۋرالى اتىلعان. ولار: «قاۋىپسىز ەۋروپا»، «وركەندەپ كەلە جاتقان تۇراقتى ەۋروپا»، «الەۋمەتتىك ەۋروپا»، «الەمدىك ساحناداعى نىعايعان ەۋروپا» سياقتى باعىتتاردى قامتيدى.
اۆتور: ايدار وسپاناليەۆ
