17:40, 25 - ناۋرىز 2017 | GMT +5
شۇمەنوۆ: كوپ ءسوز رينگكە كوتەرىلگەننەن كەيىن كومەكتەسپەيدى
استانا. قازاقپارات - ءبىرىنشى اۋىر سالماقتا WBA چەمپيونى بەيبىت شۇمەنوۆ الداعى قارسىلاسى كۋبالىق يۋنيەر دورتيكوس تۋرالى ءوز ويىمەن ءبولىستى، دەپ حابارلايدى قازاقپارات ءتىلشىسى.
ول ءوزىنىڭ ينستاگرامداعى جەكە پاراقشاسىندا «ۋاقىت جاقىنداپ كەلەدى. قارسىلاستارىمنىڭ كوپ ءسوزى رينگكە كوتەرىلگەننەن كەيىن كومەكتەسپەيدى»، - دەپ جازدى.
ەستەرىڭىزگە سالا كەتەيىك، شۇمەنوۆ - دورتيكوس ايقاسى 29 ساۋىردە لاس-ۆەگاستا وتەدى. بۇدان بۇرىن جەكپە-جەك اقپانعا بەلگىلەنگەن ەدى. ءبىراق پروموۋتەرلىك Caribe Promotions كومپانياسى ءوزىنىڭ كەزدەسۋدى ۇيىمداستىرۋ قۇقىعىنان ايىرىلىپ، ايقاس بەلگىسىز ۋاقىتقا شەگەرىلگەن بولاتىن.
اۆتور: كۇنسۇلتان وتارباي
