16:52, 25 - ناۋرىز 2017 | GMT +5
باتىس قازاقستاندىق سپورتشى كەكۋشينكاي كاراتەدەن وتكەن ەل چەمپيوناتىندا جەڭىمپاز اتاندى
ورال. قازاقپارات - اقتاۋ قالاسىندا كەكۋشينكاي كاراتەدەن 10 جاستان جوعارىلار جانە ەرەسەكتەر اراسىندا مارەگە جەتكەن ⅩⅩ ەل چەمپيوناتىندا باتىس قازاقستاندىق سپورتشىلار تابىستى ونەر كورسەتتى، دەپ حابارلايدى «قازاقپارات» ح ا ا ءتىلشىسى.
اتالمىش جارىسقا قازاقستان وبلىستارى مەن استانا، الماتى قالالارىنان 550 سپورتشى قاتىسىپ، باق سىنادى. جارىس قورىتىندىسىندا ب ق و- دان بارعان 19 جاسار سەنپاي شاينۇر سادىقوۆ جەڭىمپاز اتاندى.
ەندى سولونگو يسحان شاينۇر قازاقستان قۇراماسى ساپىندا رۋمىنيادا وتەتىن ەۋروپا چەمپيوناتىنا، بيىلعى قاراشا ايىندا يندونەزيادا بولاتىن الەم كۋبوگى جارىسىنا دايىندالادى.
ەل بىرىنشىلىگىندە سونداي-اق باتىس قازاقستاندىقتار، 11 جاسار ءاليحان قۇبايەۆ، 12 جاسار دانيل وبۋحوۆ ءۇشىنشى ورىندى يەلەندى.
