16:16, 25 - ناۋرىز 2017 | GMT +5
قازاقستان فۋتبول قۇراماسى ەرەۆانعا جەتتى
استانا. قازاقپارات - قازاقستان قۇراماسى لارناكادان چارتەرلىك رەيسپەن ارمەنيا استاناسى ەرەۆانعا كەلدى، دەپ حابارلايدى قازاقپارات قازاقستان فۋتبول فەدەراتسياسىنا سىلتەمە جاساپ.
ەكى ساعات جولدان كەيىن كوماندا قالا ورتاسىنداعى قوناق ۇيلەردىڭ بىرىنە ورنالاستى. كەشكە ەرەۆانداعى «بانانتس» فۋتبول كلۋبىنىڭ ستاديونىندا العاشقى جاتتىعۋ وتپەك.
ەرتەڭ كوماندانىڭ ماتچ الدىنداعى جاتتىعۋ جانە باس باپكەر الەكساندر بوروديۋكتىڭ قاتىسۋىمەن باسپا ءسوز ءماسليحاتى بولادى.
2018-جىلعى الەم چەمپيوناتىنىڭ ىرىكتەۋ تۋرنيرىندەگى ارمەنيا مەن قازاقستان اراسىنداعى ماتچ 26- ناۋرىز كۇنى ۆازگەن ساركيسيان اتىنداعى رەسپۋبليكالىق ستاديوندا وتەدى. ويىن استانا ۋاقىتىمەن 22:00 دە باستالادى.
اۆتور: جاسۇلان جولدىبايەۆ
