قازاقستاندىقتار الكوگولدى سۋسىنداردى كوپ ىشە باستادى

استانا. قازاقپارات - ەلىمىزدە سوڭعى ءبىر جىلدا كونياك ءوندىرىسى - 78 پايىزعا، ليكەر ونىمدەرىنىڭ ءوندىرىسى - 55 پايىزعا، سىرا - 39 پايىزعا، اراق - 15 پايىزعا جانە شاراپ ءوندىرىسى 14 پايىزعا جوعارىلاعان.

تەك مينەرالدى سۋسىن ءوندىرىسى 5 پايىزعا تومەندەپ وتىر.

بۇل تۋرالى finprom.kz پورتالى حابارلادى.

سونداي-اق، سوڭعى جىل كولەمىندە اراق 15 پايىزعا جانە اۋىز سۋ 7 پايىزعا قىمباتتاعان.

بيىل قاڭتار-اقپان ايلارىندا ەلىمىزدە بارلىعى 31,8 ميلليارد تەڭگەنىڭ سۋسىندارى وندىرىلگەن. بۇل وتكەن جىلمەن سالىستىرعاندا 24,8 پايىزعا جوعارى.

2016-جىلى الكوگولدى ءونىم وندىرۋشىلەر حالىقتىڭ اراققا دەگەن سۇرانىسىنىڭ 87,5 پايىزىن وتەي العان. وندىرىلگەن ءونىمنىڭ 99,4 پايىزى ىشكى نارىقتا ساتىلىپتى. سونىمەن قاتار، ەلىمىزدە شىعارىلعان شاراپ تۇرلەرىنىڭ 97,9 پايىزىن قازاقستاندىقتاردىڭ وزدەرى تۇتىنعان ەكەن. ال، قازاقستاندا جاسالعان سىرانىڭ 70,9 پايىزى ىشكى نارىقتا، 29,1 پايىزى ەكسپورتقا شىعارىلىپ ساتىلعان.