جاڭا قاتىسۋشىسى ديماشقا تىزەقاپ سىيلادى

استانا. قازاقپارات - دجۋليا پەن ەسىمدى ءانشى قازاقستاندىق ديماش قۇدايبەرگەنگە ساحنادا تىزەرلەپ وتىرىپ ءان ايتاتىن ساتتەردە جاراقات الىپ قالماۋى ءۇشىن تىزەقاپ سىيلادى، دەپ حابارلايدى قازاقپارات.

جانكۇيەرلەر ديماشتىڭ ءاندى جان-دۇنيەسىمەن بەرىلە شىرقاعان ساتتە تىزەرلەپ وتىرا كەتەتىنىن الدەقاشان بايقاعان. «جەكە تاجىريبەمنەن جاقسى بىلەمىن. ونداي ساتتە ءانشى دەنەسىنىڭ اۋىرعان-اۋىرماعانىن سەزبەيدى. سەزىمگە بيلەگەن ساحنالىق كۇي سەزدىرتپەيدى»، - دەيدى ونىڭ ۆكونتاكتە الەۋمەتتىك جەلىسىندەگى جانكۇيەرلىك توبىنداعى جانكۇيەرى.

«مەن ديماشتىڭ جوعارى نوتالاردى الاتىن ساتتە تىزەرلەپ وتىرا كەتەتىنىن بايقادى، شاماسى وسىلاي وتىرىپ ايتقاندا جوعارى دىبىستاردى شىعارۋ جەڭىلىرەك بولار»، - دەيدى جانكۇيەرلەر.

بۇعان دەيىن حابارلانعانداي، ديماش قۇدايبەرگەن Singer-2017 بايقاۋىنىڭ 10 كەزەڭىندە 3- ورىن الدى. ول وسىلايشا فينالدىق سىنعا جولداماعا قول جەتكىزگەن ەدى. ونىنشى كەزەڭدە جەرلەسىمىز ورال بايسەڭگىردىڭ سوزىنە جازىلعان «ۇمىتىلماس كۇن» اتتى ءوز ءانىن شىرقاعان. Һupu.com  پورتالىنىڭ مالىمەتىنشە، ديماشپەن بىرگە فينالعا قىتايلىق لين يليان مەن وسى ەلدىڭ توبى «狮子» (ارىستان) ءوتتى.

اۆتور: ەربول جانات