مىسىردىڭ بۇرىنعى پرەزيدەنتى مۇباراك تۇرمەدەن بوساتىلدى

استانا. قازاقپارات - مىسىردىڭ بۇرىنعى پرەزيدەنتى حوسني مۋباراك التى جىلدان كەيىن بوستاندىققا شىقتى، دەپ حابارلادى لەنتا. رۋ.

«ول كايردەگى ماادي اسكەري گوسپيتالىنەن شىعىپ، ۇيىنە قايتتى»، - دەپ حابارلادى ادۆوكاتى فاريد ەل- ديب.

مۇباراك 800 ادامنىڭ ولىمىنە الىپ كەلگەن حالىقتىڭ جاپپاي نارازىلىعى سالدارىنان وتستاۆكاعا كەتكەن سوڭ، ەكى ايدان كەيىن 2011-جىلعى ساۋىردە تۇتقىندالعان.

2012-جىلى بۇرىنعى پرەزيدەنت دەمونسترانتتاردى ولتىرۋگە قاتىسقانى ءۇشىن ايىپتى دەپ تانىلىپ، وعان ءومىر بويىنا باس بوستاندىعىنان ايىرۋ ۇكىمى شىققان. وسى جىلعى 13- ناۋرىزدا مىسىردىڭ باس پروكۋراتۋراسى كاسساتسيالىق سوتتىڭ ۇكىمىمەن اقتالۋىنا بايلانىستى ادۆوكاتتىڭ مۇباراكتى قاماۋدان بوساتۋ تۋرالى ءوتىنىشىن ماقۇلدادى.