مىڭعا تارتا جولاۋشى مىنگەن پويىز رەلستەن شىعىپ كەتتى

استانا. قازاقپارات - نيۋ-يوركتەگى پەنسيلۆانسكي ۆوكزالىندا جۇما كۇنى مىڭعا جۋىق جولاۋشىنى اكەلە جاتقان Amtrak پويىزى رەلستەن شىعىپ كەتىپ، NJ TRANSIT پويىزىنا سوقتىعىستى.

بۇل تۋرالى CBS New York تەلەارناسى حابارلادى. «پويىزدىڭ رەلستەن شىعىپ كەتۋ وقيعاسى ونىڭ ستانسادان اقىرىنداپ شىعىپ بارا جاتقان كەزىندە، جەرگىلىكتى ۋاقىت بويىنشا شامامەن 9.00 دە ورىن الدى» دەلىنگەن Amtrak كومپانياسىنىڭ حابارلاماسىندا.

تەلەارنانىڭ مالىمەتتەرىنە قاراعاندا، ول ۆوكزالعا كەلگەن 200 جولاۋشىسى بار كورشى NJ TRANSIT پويىزىن ءسۇزىپ وتكەن. بىرنەشە ادامنىڭ ازداپ جاراقات العاندىعى حابارلاندى.

قازىرگى ۋاقىتا ۆوكزالداعى قوزعالىس توقتاتىلعان. پەنسيلۆانسكي ۆوكزالى نيۋ يوركتەگى ءىرى حالىقارالىق بەكەت بولىپ ەسەپتەلەدى. مۇنان كۇن سايىن 600 مىڭ جولاۋشى ساپارعا اتتانادى.

اۆتور: ەرلان قوجاكەلديەۆ