09:20, 25 - ناۋرىز 2017 | GMT +5
قىتايلىق ايەلدىڭ ىشىندە ساڭىراۋقۇلاقتار وسكەن
استانا. قازاقپارات - قىتايدا چجەتسزيان پروۆينتسياسىنداعى يۋ قالاسىنىڭ تۇرعىنىنا وتا جاساپ، ىشىنەن ءوسىپ كەتكەن ساڭىراۋقۇلاقتى الىپ تاستادى.
بۇل تۋرالى 24- ناۋرىزدا Daily Mirror باسىلىمى جازدى. 50 جاستاعى قىتايلىق ايەل ءىشىنىڭ قاتتى اۋىراتىندىعىنا شاعىمدانىپ كەلگەن. دارىگەرلەر ەندوسكوپتىڭ كومەگىمەن ونىڭ اس قورىتۋ جۇيەسىن قاراعان كەزدە ىشتە وسكەن ساڭىراۋقۇلاقتاردى كورەدى.
ولاردىڭ ەڭ ءىرىسىنىڭ ۇزىندىعى 7 سانتيمەترگە جەتكەن. ايەلگە شۇعىل وتا جاسالدى. قىتايلىق باق بۇلاي بولۋىن، ايەلدىڭ كەپتىرىلگەن ساڭىراۋقۇلاقتاردى جەگەندىگىن، ال ونى دايىندار الدىندا جىبىتپەگەندىگىمەن تۇسىندىرەدى.
