ءماجىلىس جالپى وتىرىستا قارالاتىن ماسەلەلەردى ناقتىلادى
ءماجىلىس اپپاراتىنىڭ باسپا ءسوز قىزمەتىنەن ءمالىم ەتكەندەي، دەپۋتاتتار دەنە شىنىقتىرۋ جانە سپورت ماسەلەلەرى بويىنشا تۇزەتۋلەرگە ارنالعان زاڭ جوباسىن ەكىنشى وقىلىمدا تالقىلايتىن بولادى.
سونداي-اق، وسى كۇنى حالىق قالاۋلىلارى حالىقارالىق جەكە قۇقىق جونىندەگى گااگا كونفەرەنتسياسىنىڭ جارعىسىن راتيفيكاتسيالاۋ تۋرالى زاڭ جوباسىن قارايدى.
الداعى جالپى وتىرىستا ءماجىلىس كونستيتۋتسيالىق زاڭدارعا مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى بويىنشا تۇزەتۋلەرگە قاتىستى كونستيتۋتسيالىق زاڭ جوباسى مەن مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارى، سونىمەن بىرگە، جەر قاتىناستارىن رەتتەۋگە قاتىستى تۇزەتۋلەر بويىنشا بەيىندى كوميتەتتەرگە قورىتىندى ازىرلەۋ مەرزىمىن تاعايىنداماق.
