الماتىلىقتار ءۇش ساعاتتا جارتى توننا باۋىرساق جەپ تاۋىستى

الماتى. قازاقپارات - ناۋرىز مەرەكەسى كۇندەرى الماتىلىقتار ءۇش ساعاتتا جارتى توننا باۋىرساق جەدى، دەپ حابارلادى PR Media-عا سىلتەمە جاساپ «قازاقپارات» ح ا ا ءتىلشىسى.

جەتى اسپاز تاڭ اتقاننان باستاپ قولدى-اياققا تۇرماي ەڭبەك ەتتى. وتاندىق قىشقىل ءسۇت ونىمدەرىن وندىرۋشىلەردىڭ ءبىرى الماتىلىقتاردى باۋىرساققا تويدىردى.

ەكى مىڭداي ادام ءۇشىن 500 كەلىگە جۋىق باۋىرساق دايىندالدى. ۇلتتىق تاعامدى ءپىسىرۋ ءۇشىن وتاندىق ونىمدەر قولدانىلدى.

«باۋىرساقتى دايىنداۋعا 33 ليتر ءسۇت، 186 ليتر ماي، 400 كەلى ۇن كەتتى. اكسيا رەكورد ورناتارى ءسوزسىز ەدى، ءبىراق ءبىز ول ماقساتتى العا قويمادىق. قالالىقتاردى قۋانتىپ، كوتەرىڭكى كوڭىل-كۇي سيلاعىمىز كەلدى. كەلەسى جىلى رەكوردقا ۇمىتكەر بولۋىمىز مۇمكىن»، - دەدى كومپانيانىڭ برەند-مەنەدجەرى ۆيكتوريا يانچيك.